პირველ რიგში ბოდიშს ვიხდით ამ შემზარავი სურათების გასაჯაროებისგან და თავს იმით „ვიმშვიდებთ“ რომ - ადრე თუ გვიან ეს ყველაფერი შესაძლოა თქვენმა შვილებმაც ნახონ - ცოცხლად, პირდაპირ... შესაძლოა უბრალოდ მცხეთაში, ჯვრის მონასტერზე ექსკურსიის დროს, შესაძლოა სტუმრების გასეირნებსი დროს... მოკლედ ათასი შემთხვევა შეიძლება ჩაგივარდეთ ხელში, როცა პირდაპირ დაეჯახებით ამ რეალობას.

მეორეც კიდევ, ეს რომ მხოლოდ ქართველის გაკეთებულია - ამას ისე არ გაუვა წყალი, როგორც იმას, რომ ორჯერ ორი ოთხია! რატომ? იმიტომ, რომ აქ, ამ ადგილზე ღრეობას (ქეიფს, რომ ეძახიან) მხოლოდ ქართველები „სჩადიან“ ხოლმე და ალაფის შემდეგ მხოლოდ ისინი ტოვებენ კვალს მიწაზე ისე, როგორც ამას ღორები, ოთხფეხა ღორები აკეთებენ...

ამას სტუმარი, ტურისტი, მცხეთის ჯვრის სიდიადის სანახავად აქ, ამ მთაზე ამოსული ჩვენი ქვეყნის ვიზიტორი არ და ვერ იზამს, იმიტომ, რომ მისთვის ღორული ვნებების დაკმაყოფილება, არ ასოცირდება - ბუნებაში ქეიფთან, დალევასთან და მერე ამ ქეიფის დანატოვარ ნაგავშივე ჯდომასთან და ადგილზევე მის დატოვებასთან... ეს, მხოლოდ ქართველს შეუძლია, ერთბაშად თავისი წმინდა სალოცავის, მცხეთის ჯვარის სადღეგრძელო დალიოს - და ზუსტად იმავე მცხეთის ჯვარის მთაზე ღორულად მოიქცეს!!!

ამ სტატიის მკითხველო! თქვენ მოგმართავთ! გამოვდივართ ინიციატივით და გთხოვთ მიიღოთ მონაწილეობა მცხეთის ჯვარის მიდამოების დასუფთავების აქციაში, შევაგროვოთ 5-5 ლარი, შევიძინოთ ერთჯერადი ხელთათმანები, ნაგვის პარკები, ვიქირაოთ ნაგვის გამტანი მანქანა და ერთ უახლოეს მშრალ (!) დღეს - ჩვენ-ჩვენი მანქანებით ავიდეთ 10-15 ადამიანი, დავასუფთაოთ (რასაც შევძლებთ) ეს ადგილი, რათა მერე თქვენც არ გახდეთ ჯვარზე ასული სტუმრის გაკვირვებული ტექსტის უნებური მოწმე, როცა ის ამბობს - არ მეგონა თუ ქართველები ასეთი ღორები იყვნენ, და ნაგავს თავიანთი სალოცავების გვერდით ყრიდნენო!

გამომეხმაურეთ...