ბავარიელი ფერმერი, იოგან ჰუბერი იძულებული გახდა თავისი ძროხებისთვის თვითნაკეთი საფენები გაეკეთებინა. ამის მიზეზი გახდა გარემოს დასაცავად ევროკავშირის მიერ შემუშავებული დირექტივა, რომელიც ზღუდავს სამთო საძოვრებზე ნებისმიერი, მათ შორის ორგანული სასუქის გამოყენებას. ბავარიელ ფერმერთა პროფკავშირებმა აღნიშნული დირექტივის მიმართ უკმაყოფილება გამოთქვა, რადგან, ბევრის აზრით, ამგვარი შეზღუდვა აგრობიზნესის დაწყების მიმართ ინტერესს შეამცირებს.

მოკლედ, წლამდე გოჭების უფლებადამცველი კანონის შემდეგ, ურიგო არ იქნება, ჩვენმა პარლამენტმა ევროკავშირის რეკომენდაციისადმი ერთგულებისა და ევროპული არჩევანის კიდევ ერთხელ დასადასტურებლად, პამპერსიანი ძროხების შესახებაც დაიწყოს მსჯელობა.