ჯეიმს დინი(James Dean) 50-იანი წლების პოპულარული ჰოლივუდის მსახიობი იყო დიდი პერსპექტივით. განსაკუთრებით სახელი გაითქვა ფილმით "უმიზეზოდ ამბოხებული".იგი საკულტო პიროვნებად იქცა ამერიკელ ახალგაზრდებში .

ჯეიმსი "პატარა ნაბიჭვარს"(Little Bastard) თავის ავტომობილ Porsche 550 Spider-ს ეძახდა.

მსახიობი მანქანის შეძენიდან მალევე ავტოკატასტროფაში გარდაიცვალა 24 წლის ასაკში.მსახიობმა ალეკ გინესმა უწინასწარმეტყველა დინს, რომ მისი მანქანა "ბოროტად " გამოიყურებოდა და ერთ კვირაში იგი მას მოკლავდა..მართლაც დინი 7 დღის შემდეგ გარდაიცვალა.

ჯეიმს დინის დამტვრეული მანქანა შეიძინა მისმა ფანმა ანჟელა პერიმ. ქალმა უამრავი ფული დახარჯა იმისთვის, რომ შეეკეთებინა მანქანა. შემდეგ დაჯდა საჭესთან და გაემგზავრა იმ ადგილის მოსანახულებლად სადაც ჯეიმს დინი დაიღუპა, თუმცა ანჟელამ დანიშნულების ადგილს ვერ მიაღწია.იგი ავარიაში მოყვა. ქალი ისე დაიღუპა, რომ გონებაზე არც მოსულა.

1956 წელს Porshe Spyder-ი იყიდა ავტომექნიკოსმა ჯორჯ ბარისმა, რომელმაც გადაწყვიტა ავტომობილი სათადარიგო ნაწილებად გამოეყენებინა.

ერთ-ერთი რბოლის დროს სპორტული ავტომობილი ბეტონის კედელს შეასკდა, მძღოლი გადარჩა, მაგრამ სამუდამოდ ინვალიდი დარჩა...როგორც შემდგომ გაირკვა, ამ ავტომობილს ბარისმა "პატარა ნაბიჭვრის" ბორბლები დაუყენა.

1956 წლის ოქტომბერში ქირურგმა უილიამ ეშრიკმა მანქანა ბარისისგან გამოისყიდა."პატარა ნაბიჭვრის" ძრავი თავის ავტომობილს ჩაუდგა.მალევე ქალაქ პომონეში, სამოყვარულო რბოლის დროს უილიამი ხეს შეასკდა.იგი ადგილზე გარდაიცვალა.

მიუხედავად ამდენი ტრაგედიებისა, ჯორჯ ბარისმა საბოლოოდ გადაწყვიტა ავტომობილი Poshe Spyder-ი აღედგინა..იგი კარგ დივიდენდებს მოელოდა.ბოლოს და ბოლოს იგი ხომ ჯეიმს დინს ეკუთვნოდა.

როდესაც ავტომობილის ძარა სატვირთოთი გადაჰქონდათ, სატვირთო გზიდან გადავიდა და ამოტრიალდა.

მძღოლმა გადმოხტომა მოასწრო..ხოლო როდესაც ამოტრიალებულ სატვირთოს მიუახლოვდა დასათვალიერებლად, ამ დროს "პატარა ნაბიჭვარი" დაცურდა, მძღოლს ზედ დაეცა და ადგილზე მოკლა.

ამის შემდგომ "პატარა ნაბიჭვრის" კვალი უკვე ნელ-ნელა ქრება..თუმცა ჯეიმს დინის გარდაცვალებიდან 50 წლის შემდეგ, (2005წ.)იყო მითქმა-მოთქმა, რომ ავტომობილის კარი ერთ-ერთ გარაჟში ინახება ჩოლამში, კალიფორნია და რომელიც თითქოს ვოლოს ავტომუზეუმს წარუდგინეს( Volo Auto Museum).

ვოლოს მუზეუმმა და ჯორჯ ბარისმა დააწესეს პრიზი 1 მლნ.$, იმ პიროვნებაზე, რომელიც დაამტკიცებდა, რომ ეს ჭეშმარიტად "პატარა ნაბიჭვრის" კარი იყო....თუმცა პრიზს არავინ გამოეხმაურა.