მარმელადის პენისებმა, რომლებიც კომპანია Dutch Pack-მა გამოუშვა, გლობალური აღშფოთება გამოიწვია.

ახალზელანდიელმა ტკბილეულის მოყვარულებმა პროსტესტი გამოთქვეს მას შემდეგ, რაც Dutch Pack-ის მიერ წარმოებულ ჟელატინის ტკბილეულს ცუდი გემო აღმოაჩნდა. იგი, არც მეტი და არც ნაკლები, პენისის ფორმის (აი, გემო რისი ქონდა, არ აკონკრეტებენ) იყო. ასეთი სახით ტკბილეულის გაყიდვის გამო კომპანიას ბევრი მომჩივანი გამოუჩნდა.

კომპანიის დირექტორის განცხადებით, ტკბილეულს Dragon Sweets ჰქვია, რითაც ყველაფერი ნათელია (თუმცა, რა არის ნათელი, ეს არ დაუკონკრეტებია). მას უნდა შეხედოთ რამდენჯერმე და არ უნდა იმსჯელოთ ერთი შეხედვითო, განაცხადა კომპანიის გენერალურმა დირექტორმა Willem Van de Geest-მა და ბოდიში მოუხადა ყველა იმ ადამიანს, ვინც ამ გაუგებრობაში მოხვდა. მისივე განცხადებით, კომპანია არ აპირებდა არავის შეურაცხყოფას, მსგავსი ფორმით ტკბილეულის წარმოება ერთჯერადი აქცია იყო. ახალი ზელანდიის მაცხოვრებლები მას ვეღარ იხილავენ.