იმის ახსნა, თუ რას წარმოადგენს ბედნიერი ცხოვრება საბჭოთა კავშირში, ჩვენს რეალობაში არც ისე მარტივია.თუმცა, ისიც უნდა ავღნიშნოთ, რომ ადამიანს ბედნიერების პოვნა ყველაფერში შეუძლია. ეს მხოლოდ და მხოლოდ ნიჭი არ არის, ეს ფსიქოლოგიაა. ბევრი შეგვიძლია ვიკამათოთ, კარგი იყო თუ ცუდი საბჭოთა კავშირი, მაგრამ შეუძლებელია ეს ეპოქა ჩვენი მოგონებებიდან ამოვშალოთ, რადგან ის ჯერ კიდევ კავშირშია ჩვენი მშობლების, ბებიებისა თუ ბაბუების ახალგაზრდობასთან და მათი ცხოვრების პირველ ნაბიჯებთან და ყველაზე მნიშვნელოვან წლებთან.
მიუხედავად აზრთა სხვადასხვაობისა, უდავო ფაქტია, რომ საბჭოთა კავშირი მისი დაარსების პირველი დღიდანვე და მის დაშლამდე იყო
ე.წ. პოლიციური სახელმწიფო, რომელშიც თვალყურს ადევნებდნენ
მოქალაქეთა ყოველდღიური ცხოვრების თითქმის ყველა ასპექტს.
სიტყვის, მოგზაურობის, განათლების, ეკონომიკის და სხვა თავისუფლებები მხოლოდ ქაღალდზე არსებობდა. ეს ყველაფერი
სამწუხაროდ თუ საბედნიეროდ, ჩვენი ისტორიის განუყოფელი ნაწილია, რომლის გავლენაც დღემდე იგრძნობა შიგადაშიგ.
ერთ-ერთმა რუსულმა საიტმა საბჭოთა კავშირის ის ფოტოები შეკრიბა, რომელიც ამა თუ იმ ადამიანის ბედნიერ წუთებსა და მომენტებს ასახავს. ასე რომ, გთავაზობთ, ნათელ მოგონებებს იმ ეპოქიდან, რომელიც მეტად აღარ განმეორდება.