ქორწილი - ეს ერთ-ერთი ყველაზე ღირსშესანიშნავი დღეა ადამიანის ცხოვრებაში. ამ დღეს იგი ქმნის თავის ბედს, მომავალს. იგი იწყებს ახალ ცხოვრებას თავის მეუღლესთან ერთად დიდი, ლამაზი და ბედნიერი ოჯახის შესაქმნელად. უნდა ავღნიშნოთ, რომ როგორც ქალი ასევე მამაკაციც ძალიან ნერვიულობს ამ ლამაზი დღისთვის, თუმცა ქალები ყოველთვის მეტად განიცდიან. ეს გამომდინარეობს იქიდან, რომ მათ უფრო მეტი საზრუნავი აქვთ ჩაცმასთან, მაკიაჟთან და ვარცხნილობასთან დაკავშირებით. ასევე აქსესუარების შერჩევას სჭირდება ბევრი დრო. მოგეხსენებათ, რომ ქალი ყოველთვის უფრო მეტად არის ყურადღების ცენტრში. ამ დღისთვის თითქმის ყველა პატარძალი დიეტაზე ჯდება, რათა რამოდენიმე კილოგრამით ნაკლები წარსდგეს დიდი სანათესაოს, სამეზობლოსა და სამეგობროს წინაშე. მოკლედ რომ ვთქვათ, ყველანაირად უვლის თავს და ფორმაში დგება უფრო მეტად. ქართველი პატარძლებიც რა თქმა უნდა შესანიშნავად და უნაკლოდ გამოიყურებიან ხოლმე საპატარძლოს თეთრ კაბებში. მე თუ მკითხავთ ქართველ მანდილოსანს ყველაზე მეტად უხდება თეთრი კაბა და თუ ეს კაბა ქართული ნაციონალურია უფრო უკეთესი. ახლა კი მოდით ვნახოთ, თუ როგორ გამოიყურებიან ქართველი პატარძლები ქორწილში და არიან თუ არა მართლაც შესანიშნავად უნაკლოები!