სხვა "ტყუპების სოფელი" ინდოეთში 2014, 8 სექტემბერი, 13:04 სამხრეთ ინდოეთში მდებარეობს პატარა სოფელი კოდინხი, სადაც სულ 2000-მდე კაცი ცხოვრობს. ეს პატარა სოფელი მთელ მსოფლიოში ცნობილია, როგორც "ტყუპების სოფელი", რადგან აქ ყოველწლიურად დაახლოებით 15-16 ტყუპი იბადება. ეს 6-ჯერ მეტია მსოფლიოს საერთო საშუალო სტატისტიკურ მაჩვენებელზე.
კოდინხიში ამჟამად 204 წყვილი ტყუპი ცხოვრობს. უნდა აღინიშნოს, რომ საერთოდ ინდოეთში ტყუპების დაბადების ზოგადი მაჩვენებელი ძალიან დაბალია, გამონაკლისი მხოლოდ ეს სოფელია. აქ ყოველ 1000 ახალდაბადებულ ბავშვზე 90-მდე ტყუპი მოდის. მკვლევარებმა ჯერჯერობით ვერ შეძლეს ამ ფენომენის ამოხსნა. სოფლის მცხოვრებლები ამბობენ, რომ ტყუპების მომრავლება 1949 წლიდან დაიწყო. აქაური ახალგაზრდები თანასოფლელებზე იშვიათად ქორწინდებიან, ისინი მეზობელ სოფლებში ირჩევენ საცოლეებსა და საქმროებს, მაგრამ, მიუხედავად ამისა, ტყუპების რაოდენობა გამუდმებით იზრდება. სანამ მეცნიერები ამ უცნაური ფენომენის ამოხსნას ცდილობენ, სოფლის მცხოვრებლებმა მას სახელი გადაარქვეს და "ტყუპების სოფელი" უწოდეს. 128 7-ს მოსწონს
|