ბედის ირონიაა, მაგრამ Bucket Challenge-ის საქველმოქმედო აქციის ერთ-ერთი ორგანიზატორი..წყალმა იმსხვერპლა.

27 წლის კორი გრიფინი, რომელიც აქცია Ice Bucket Challenge-ის ერთ-ერთო ორგანიზატორი იყო, ყვინთვის დროს დაიხრჩო ქალაქ ნანტაკეტში(მასაჩუსეტის შტატი).მოგვიანებით მისი გვამი მაშველებმა ამოიყვანეს.შემთხვევა გასულ შაბათს მოხდა.

კორი გრიფინი იყო პიტ ფრეიტსის უახლოესი მეგობარი, რომელმაც წამოიწყო Ice Bucket Challenge-ის აქცია.

კორი გრიფინი საქველმოქმედო აქციის სათავეებთან იდგა და აქტიურ მონაწილეობას იღებდა მის პოპულარიზაციაში და წინსვლაში, იუწყება The Boston Globe.

შეგახსნებთ, რომ წინა კვირას ფლეშმობი Ice Bucket Challenge- ტრაგიკულად დამთავრდა შოტლანდიაში.ახალგაზრდა ყმაწვილმა ყინულიანი წყალი გადაივლო თავზე, ფეხი დაუსხლტა და 24 მეტრის სიმაღლიდან პრესტონ ჰილის ყურეში ჩაიჩეხა.