ასი ათასი მაყურებელიდან იყო ერთ-ერთი, რომელიც მარაკანას სტადიონზე აქტიურად გულშემატკივრობდა გერმანიის ნაკრებს, მათ ყოველ დარტყმულ ბურთზე რეაგირებდა, ხოლო გიოტცეს 113 წუთზე გატანილი გოლი ემოციურად აღნიშნა.ეს გახლდათ 26 წლის ბარბადოსელი მომღერალი, თანამედროვეობის № 1 პოპ-დივა რიანა.

ამასთანავე მომღერალმა უფრო დაწვრილებით აღწერა Twitter-ის გვერდზე გერმანია-არგენტინის მატჩის პერიპეტიები, ვიდრე ვთქვათ გარი ლინეკერმა ან სტენ კოლიმორმა.

ბოლოს კი მაისური აიწია ისე, როგორც ფაბრიციო რავანელი იწევდა ხოლმე, როცა გოლის გატანას აღნიშნავდა.

ამასთანავე პოპ-დივამ ფინალური მატჩის დაწყების წინ, მოახერხა და ფეხბურთის მეფეს-74 წლის პელეს შეხვდა და მასთან ერთად სამახსოვრო ფოტოც გადაიღო.

ხოლო შემდგომ გერმანელ ფეხბურთელებს მიულოცა გამარჯვება და მთელი ღამე მათთან ერთად გაერთო.