იმისათვის, რომ ქალი ყოველთვის გარემოების შესაბამისად და მოდურად იყოს ჩაცმული, სულაც არ არის სავალდებულო ყოველკვირეულად კარადის შევსება ახალ-ახალი ტანსაცმლითა თუ აქსესუარით. არსებობს 25 ძირითადი ნივთი, რაც აუცილებლად უნდა მოიძებნებოდეს ქალის გარდერობში, რათა ნებისმიერ სიტუაციაში თავდაჯერებულად გამოიყურებოდეს.


1. კომფორტული საცვლები.

2. თეთრი მოკლესახელოიანი მაისური ე.წ. T-შირტი. სხვა ფერებისგან განსხვავებით, იგი თითქმის ყველა კომბინაციაში გამოგადგებათ.

3. მუქი ფერის ჯინსის შარვალი. მთავარია სწორად აირჩიოთ ჯინსის ის სტილი, რომელიც თქვენს ფიგურას უხდება.

4. უსახელო ტოპიც განსაკუთრებით მრავალფეროვანი კომბინაციის საშუალებას იძლევა: შეიძლება გამოიყენოთ როგორც ლაშქრობის დროს, სპორტულ შარვალთან ერთად, ასევე შედარებით ფორმალური
შეხვედრებისას პიჯაკის ქვეშ, ან შესაფერისი შარფის შეხამების შემთხვევაში, საღამოებსა და წვეულებებზე.

5. ერთი პატარა შავი კაბა თქვენს გარდერობში და შეგიძლიათ აღარ იღელვოთ წვეულებებზე, საღამოებსა თუ რესტორნებში ჩასაცმელი ტანსაცმლის შესახებ. უბრალოდ, ყოველ ჯერზე შეგიძლიათ შესძინოთ
მას ახალი ელფერი განსხვავებული აქსესუარით, ვარცხნილობითა თუ მაკიაჟით.

6. შავი ქუსლიანი ფეხსაცმელი. მისი ჩაცმა შეიძლება თითქმის ყველგან: ყოველდღიურ თუ ფორმალურ სიტუაციებში, საღამოებსა თუ წვეულებებზე. შეგიძლიათ ჩაიცვათ როგორც ფორმალურ პიჯაკზე,
ასევე ჯინსებზე და საღამოს კაბაზე.

7. პიჟამო ალბათ ერთადერთი ტანსაცმელია, რომლის არჩევაშიც თქვენს ფანტაზიას სრული თავისუფლება შეგიძლიათ მისცეთ და შეიძინოთ როგორც მიკი მაუსის ნახატებიანი, ასევე მკაცრი შავი ფერის
საღამური ტანსაცმელი. ყველაფერი მხოლოდ თქვენს შინაგან „მე“ -სა და სურვილზეა დამოკიდებული.

8. თეთრი პერანგი. თეთრი მაისურის მსგავსად ძალიან ბევრი კომბინაციის საშუალებას იძლევა. ამასთან მასთან ერთად სატარებელი აქსესუარების არჩევანიც ბევრია.

9. კლასიკური ქვედაბოლო გამოგადგებათ როგორც ფორმალურ, ასევე ყოველდღიურ სიტუაციებში.

10. კომფორტული უძირო ფეხსაცმელი შეგიძლიათ ატაროთ როგორც ჯინსებზე ასევე ქვედაბოლოსა თუ შორტებზე.

11. შავი კოლგოტები, რომლებიც თითქმის ყველაფერზე მიდის.

12. კლასიკური ჩანთა, რაც თქვენს ელეგანტურობას გაუსვამს ხაზს.

13. კედები. გამოდაგდებათ როგორც ყოველდღიურად, ასევე ექსკურსიებსა თუ სპორტულ ცხოვრებაში. მიდის როგორც კაბასა და ქვედაბოლოზე ასევე შარვალზე, ჯინსებსა თუ შორტებზე. რაც მთავარია, ძალიან კომფორტულია.

14. შორტი (მხოლოდ იმ შემთხვევაში, თუ გიხდებათ!) განსაკუთრებით კომფორტული ტანსაცმელია. ჯინსის შორტი შეუცვლელია ცხელ დღეებში ყოველდღიური მოხმარებისთვის, ქალაქგარეთ თუ მეგობრების წრეში. შედარებით ფორმალური სტილის შორტის ტარება უკვე ოფისებშიც ნებადართულია.

15. შავი პიჯაკი, რომლის წყალობით თითქმის ყველა ყოველდღიურ, სპორტულ თუ საღამოს ჩაცმულობას შეიძლება ფორმალური ელფერი შესძინოთ.

16. ე.წ. სარაფანი, რომელიც განსაკუთრებით ქალურობას უსვამს ხაზს.

17. თხელი კარდიგანი, რაც გამოდაგებათ ოდნავ გრილ დღეებში როგორც შარვალზე, ასევე სარაფანსა თუ ქვედაბოლოზე ჩასაცმელად. რაც არ უნდა საკვირველი იყოს, იგი საქორწილო კაბაზეც კი მიდის.

18. შარფი, რომელიც დაგეხმარებათ ხაზი გაუსვათ თქვენს იდენტობას. იმის მიხედვით, თუ როგორ გაიკეთებთ შარფს, შეგიძლიათ ცვალოთ ჩაცმულობის სტილი.

19. შავი ჩექმა. გარდა იმისა, რომ თითქმის ყველა სტილის ჩაცმულობაზე მიდის, ფეხს ვიზუალურად აგრძელებს და ალამაზებს.

20. საღამოს კაბა, იმ გაუთვალისწინებელი შემთხვევისთვის, თუ სულ რაღაც რამდენიმე დღის წინ უკვე გეცვათ თქვენს გარდერობში არსებული პატარა შავი კაბა და მოულოდნელად, ისევ დაგპატიჟეს
წვეულებაზე.

21. სამკაულები. არ არის აუცილებელი ბრილიანტის სამეულის ქონა. გქონდეთ ნახევრად ძვირფასი ქვებისგან გაკეთებული სამკაულები. მთავარია კარგად შეუხამოთ ტანსაცმელს.

22. ე.წ. კლაჩი, იმ შემთხვევისთვის, როდესაც გჭირდებათ გლამურულად გამოიყურებოდეთ. ამ შემთხვევაში უმჯობესია იყოს ოქროსფერი, ვერცხლისფერი ან შავი ბრჭყვიანა თვლებით მორთული.

23. ფერადი, მაღალქუსლიანი ფეხსაცმელი. განსაკუთრებით ბევრ კომბინაციაში ჯდება ჩალისფერი, ვერცხლისფერი და ოქროსფერი, განსაკუთრებული გლამურული სიტუაციებისთვის.

24. კლასიკური პალტო ცივი ამინდებისთვის.

25. საცურაო კოსტიუმი, იქნება ეს ერთიანი, ცალ-ცალკე თუ საცურაო კაბა - ეს მხოლოდ თქვენზეა დამოკიდებული.