ახლანანს თბილისში ჩატარდა კონკურსი სახელწოდებით " მისის პლანეტა", სადაც მონაწილეობს იღებდნენ დაოჯახებული, ქვრივი და განქორწინებული ლამაზმანები, რომელთა ასაკი 18 - დან 40 წლამდე იყო. აღნიშნულ კონკურსში გამარჯვებული გახდა ე.წ. ქუთაისელი „ანჯელინა ჯოლი“- ანუ 30 წლის მოდელი ეკა ქუთათელაძე.

კონკურსი პირველად ჩატარდა საქართველოში და ჟიურის შემადგენლობა ისეთი ცნობილი სახეებით იყო დაკომპლექტებული, როგორიცაა: აჩიკო მეფარიძე, ზალიკო ბერგერი, მარკუს მეტრეველი, დალი ჩიტაძე, მანანა გოგლიჩიძე, შოთიკო ბოჭორიშვილი და სხვები.ჟიურიმ გამარჯვებულად ერთხმად დაასახელა ეკა ქუთათელაძე, რომელიც ივნისის ბოლოს ბულგარეთში გასამართ " მისის სამყაროზე" გაემგზავრება და საქართველოს წარადგენს.ახალგაზრდა ქალბატონი, რომელსაც ერთი შვილი ჰყავს და რომელიც ქმარს გაყრილია, ინტერვიუში აცხადებს: - " მე არასოდეს მქონია კონკურსებში მონაწილეობის არც სურვილი და არც გამოცდილება.გამარჯვებას ველოდებოდი, მაგრამ ჩემთვის მაინც მთავარია, მსოფლიო ფინალზე რას ვიზამ.არც კი ვიცი, იქ რა ასაკის ქალბატონები დამხვდებიან.აქ კი ყველაზე უფროსი მე ვიყავი".

სიმართლე გითხრათ, მართლაც მომხიბლავი ქალბატონია ეკა ქუთათელაძე, მაგრამ მისი მსგავსება ჰოლივუდის კაშკაშა ვარსკვლავთან, თქვენი არ ვიცი და პირადად მე ცოტა გადაჭარბებულად მეჩვენება.