საბერძნეთში მოღვაწე ქართველი მომღერალი, უნიჭიერესი და ულამაზესი თამთა გოდუაძე "რუსთავი 2"-ის მუსიკალურ პროექტ "იქს ფაქტორის" ჟიურის წევრია. სულ რამდენიმე კვირაა რაც თამთა საქართველომ გაიცნო. ამ მცირე ხანში მომღერალს არამარტო პოპულარობა, ხალხის სიყვარულიც ხვდა წილად.

მომღერალმა ოჯახი 14 წლის ასაკში შექმნა. ქორწინებამ დაახლოებით 6 წელი გასტანა. ქმართან გაშორების შემდეგ თამთა ქალიშვილთან ერთად დედასთან, საბერძნეთში წავიდა და ბერძნულმა "იქს ფაქტორმა" მისი ცხოვრება მთლიანად შეცვალა.

თამთას ქალიშვილი ანა უკვე 18 წლისაა. მომღერალი სულ ცდილობდა მისი შვილი დედის პოპულარობის ქვეშ არ მოქცეულიყო და გზა თავად გაეკვალა. ბევრჯერ შესთავაზეს ქალიშვილთან ერთად ფოტოსესიაში მონაწილეობა, მაგრამ ამაოდ. ბერძნული პრესა ანას ფოტოებზე წლების მანძილზე "ნადირობდა", ბოლოს წვეულებაზე დედა შვილს რამდენიმე სურათი გადაუღეს.

"ჩემი შვილი 18 წლის ისე გახდა, რომ ვერც ერთმა ფოტოგრაფმა შეძლო მისი გადაღება. ვცდილობდი, შოუბიზნესისგან შორს ყოფილიყო. შარშან მე და ჩემი ქალიშვილი ერთად წავედით წვეულებაზე და ესეც იმიტომ გადავწყვიტე, რომ გარეგნულად არ მგავს. ვიფიქრე, ვერავინ მიხვდებოდა, რომ შვილთან ერთად მივედი. ფოტოები მაინც გადაგვიღეს. გავაფრთხილე, ის არასრულწლოვანია და უფლებას არ გაძლევთ, დაბეჭდოთ–მეთქი, მაგრამ ეს ფოტო მაინც გავრცელდა. მინდოდა, ჩემი შვილი გარკვეული გავლენის ქვეშ არ მოქცეულიყო და, მგონი, ეს მოვახერხე. ახლა უკვე მისი გადასაწყვეტია, სად გამოჩნდება და სად – არა"–გვიამბობს თამთა.

ვუსურვოთ მომღერალს წარმატებები და ბედნიერი მომავალი...