ტაილანდის ზოოპარკში ორი გაბედული ადამიანი ყოველდღე საკუთარ სიცოცხლეს რისკის ქვეშ აყენებს. ისინი შოუს დროს დებენ საკუთარ თავს ნიანგის პირში. ამით ართობენ მაყურებელს და ყველაფერ ამას აკეთებენ სულ რაღაც შვიდ დოლარად.

ამ უცნაურ შოუს პატაიას ზოოპარკის დამთვალიერებლებისათვის ასრულებს ორი მომთვინიერებელი. ნომერი, რომელსაც ქალი და მამაკაცი ასრულებენ ნიანგებთან ერთად, მაყურებელს აიძულებს შიშისაგან იყვიროს და თვალები დახუჭოს ყველაზე საშინელ მომენტში.

ერთ-ერთი ტრიუკი ასეთნაირად სრულდება: მამაკაცი წვება ნიანგის წინ მუცელზე და თვალის დაუხამხამებლად კოცნის მას ცხვირის წვერზე. არანაკლებ საშიშია ტრიუკი, რომლის დროს ქალი ბამბუკის ჯოხის დახმარებით ტრანსში აგდებს ნიანგს, შემდეგ კი ფრთხილად ყოფს თავს მის ბასრკბილებიან პირში.

გთავაზობთ ამ უჩვეულო შოუს ვიდეოჩანაწერს, რათა თქვენი თვალით დარწმუნდეთ ამ უჩვეულო ჟრუანტელისმომგვრელი შოუს რეალობაში.