დასავლური პრესა უკვე ორი დღეა აქტიურად განიხილავს იდუმალებით მოსილ საგზაო შემთხვევას, რომელიც მოსკოვში მოხდა.

ერთ-ერთი ავტომობილის ვიდეორეგისტრატორმა დააფიქსირა გაურკვეველია საიდან, უცებ გამოჩენილი Mercedes-მოჩვენება, რომელმაც მცირე ავარია გამოიწვია მოსკოვის ერთ-ერთ გზაჯვარედინზე.

ინციდენტს პოპულარული ბრიტანული- "Top Gear"-იც კი გამოეხმაურა:"ჩვენ ეს კლიპი მრავალჯერ დავატრიალეთ და ვნახეთ, თუმცა მაინც ვერ მივხვდით რა ხდება-ახლა თქვენი ჯერია ამოხსნათ ეს საიდუმლო....ჩვენ კი გვეშინია". .."როგორც აღმოჩნდა რუსეთში ოთხბორბლიანი პოლტერგეისტები დადიან"-აღნიშნა გამოცემამ.

ვიდეო YouTube-ზე მარტის ბოლოს დაიდო და ამჟამად 2 მილიონზე მეტი ნახვა აქვს, თუმცა ვერავინ შესძლო ამ ავტოგამოცანის ამოხსნა.

თუმცა ერთ-ერთი ინტერნეტმომხმარებელი კომენტარებში წერს, რომ გამყოფი დახაზული ზოლი ხან ჩნდება და ხან ქრება, რაც იმის მიმანიშნებელია, რომ ვიდეო ფალსიფიცირებულია.