თიკა ჯამბურია ქართველი მომღერალი გახლავთ, რომელიც ბავშვობიდან პოპულარულია. ის დაქორწინებული გახლდათ ბექა ხოფერიაზე. წყვილს ერთმანეთი ბავშვობიდან უყვარდა, თუმცა ოჯახი მაინც დაინგრა. გავრცელებული ინფორმაციის თანახმად მომღერალმა მეუღლეს ღალატი არ აპატია. ბექა სულ რამდენიმე თვის წინ კვლავ ცდილობდა ყოფილი ცოლის შემორიგებას, მაგრამ ამაოდ. თიკამ, თავის დროზე, ძნელად გადაიტანა განშორება და არ უნდოდა იგივე კიდევ ერთხელ გამოეცადა. წყვილს ერთი ქალიშვილი ჰყავს, ნინა. გოგონა ჯერ პატარაა, თუმცა შესანიშნავად მღერის. თავიდან მამას ჰგავდა, იზრდება და დედას ემგვანება, რაც თიკას ძალიან ახარებს. სულ ცოტა ხნის წინ თიკამ ვიდეო გაავრცელა, რომელშიც პატარა ნინა აბაზანაში ნებივრობს და თან დედას უმღერის.

სამწუხაროდ, თიკას პირად ცხოვრებაში სიახლეები არ არის. სულ ცოტა ხნის წინ მომღერალმა განაცხადა შეყვარებული ვარ და ვთხოვდებიო. აღმოჩნდა, რომ ეს ექსპერიმენტი გახლდათ. მიზანი იყო, თიკას ყვითელი პრესის წარმომადგენლებისთვის ეთქვა, რომ კატეგორია ექსკლუზივის ქვეშ, მათ მიერ მოპოვებული მასალები ხშირად რამდენიმე წამში იქმნება და შემდეგ დაუსრულებლად მიდის ერთიდაიგივე თემებით და სახელებით მანიპულირება. ვიდრე ყვითელი საიტები თიკას ვითომ ნიშნობის ბეჭდის ზომაზე წერდნენ მომღერალი რამდენიმე ახალ სიმღერაზე სტუდიაში მუშაობდა. გავრცელებული სტატიების სათაურებითა და შინაარსით თუ ვიმსჯელებთ ჟურნალისტები წარსულს ეპოტინებიან, რადგან მომღერლის ახლანდელი და მომავალი რეალობის შესახებ არც არაფერი იციან.