სინგაპურში, კერძოდ კი სენტოსის კუნძულზე განლაგებულია მსოფლიოში ყველაზე დიდი ოკეანარიუმი, რომლის სახელია S.E.A Aquarium. ეს გიგანტური ოკეანარიუმი შედის კომპლექსში "ზღვის სიცოცხლე", რომელიც დამთვალიერებლებისათვის გაიხსნა 2012 წლის ნოემბერში.

ოკენარიუმს გააჩნია სიცოცხლის ათი დონე და მისი მოცულობა 45 მილიონ ლიტრ ზღვის წყალს შეადგენს. აქ ბინადრობს დაახლოებით 100 ათასამდე ჯიშის ზღვის არსება.

ტურისტების განსაკუთრებულ ინტერესსს იწვევს ცენტრალური აქვარიუმი, რომელიც წარმოადგენს ღია ოკენის არეალს მსოფლიოში უდიდესი პანორამით. მისი სიგანე 36 მეტრს უდრის, ხოლო სიმაღლე -8 მეტრს. ასეთი გიგანტური ზომები ტურისტებს უქმნის შთაბეჭდილებას, რომ ისინი ოკეანის ფსკერზე იმყოფებიან.

ოკეანარიუმის დამთვალიერებლებს ეძლევათ შესაძლებლობა ნახონ ზღვის უნიკალური ბინადრები, მაგალითად: დელფინი აფალინა, იაპონური კიბო-ობობა, ბრინჯაოსფერი ჩაქუჩა-თევზი და ზღვის სიღრმეების სხვა უცნაური მცხოვრებლები.

თავიდან ოკეანარიუმის ხელმძღვანელები ითვალისწინებდნენ აქ ვეშაპისებრი ზვიგენების მოთავსებასაც, მაგრამ იდეა უარყოფილი იქნა, რადგან ამ ცხოველების შენახვა ტყვეობაში ძალიან ძნელია.

მთელი მსოფლიოდან ჩამოსული ტურისტების გასართობად პარკის მესვეურებმა ათასნაირი გასართობი მოამზადეს: აქ არის 6 სახის წყლის ატრაქციონი, ჰიდრომაგნიტური რაკეტები, "თავგადასავლების მდინარე", რომელიც 600 მეტრზე მეტი სიგრძისაა.პარკში განლაგებულია აგრეთვე 14 თემატური სცენა, რომლებიც მოგვითხრობენ ზღვის ბინადრების ყოფა-ცხოვრებაზე.