რამდენიმე წლის წინ ახალგაზრდა გოგონას დანიშვნამ ეკონომიკისა და მდგრადი განვითერების მინისტრად დიდი აჟიოტაჟი გამოიწვია. ჟურნალმა "რეიტინგმა" ვერა ქობალია "პრეზიდენტის ნაშებისა და ფავორიტების" სიაშიც შეიყვანა.

კიდევ ერთი სკანდალი მის ფეხმძიმობას უკავშირდებოდა, როდესაც დაკითხვაზე მისულმა ვერამ განაცხადა 5 თვის ფეხმძიმე ვარო.საზოგადოება საგონებელში ჩავარდა, ხან ვის მიაწერდნენ მისი შვილის მამობას და ხან ვის. ვერას შვილის მამა არქიტექტორი დავით კურცხალია გახლავთ. წყვილმა ერთმანეთი ზამთარში, გუდაურში, საერთო მეგობრების წყალობით გაიცნო და რომანიც მალე გაჩაღდა. ვერას ქალიშვილი ანასტასია 8 თვისაა და ის საქართველოს პრეზიდენტის მიხეილ სააკაშვილის ნათლულიც გახლავთ. ყოფილი მინისტრი სანდრა რულოვსთანაც მეგობრობს. მან ვერას ქალიშვილისათვის, ანასტასიასთვის სპეციალურად ჩამოიტანა მაისურები ჰოლანდიიდან და ახალშობილს აჩუქა. როგორც გაირკა ვერა ქობალია საქართველოში ყოფილი პრეზიდენტის გამო დაბრუნდა და მისი ცხოვრებაც რადიკალურად შეიცვალა.
"მე დღესაც ძალიან კარგი ურთიერთობა მაქვს მიხეილ სააკაშვილთან, ის ჩემი შვილის ნათლიაა. მიშა ჩემთვის იყო ადამიანი, ვის გამოც მე დავბრუნდი საქართველოში და ვინც მთლიანად შეცვალა ჩემი ცხოვრება – ამას მე ვერასდროს დავუვიწყებ. ჩვენ დღემდე დავრჩით მეგობრებად. დღეს, შესაძლოა, არ მაქვს ხშირი კონტაქტი, რადგან, ის ამერიკაშია, მაგრამ, სანამ წავიდოდა, ჩვენ ხშირად ვნახულობდით ერთმანეთს"-განაცხადა ვერა ქობალიამ ერთ-ერთ ინტერვიუში.