"ეს რა შემემთხვა მე უბედურს"–სიტყვები, რომელიც ხშირად გითქვამს სასოწარკვეთილებისას და ეს სიტყვები ყველაზე მეტად ვნებს ჩვენს ნერვებს, სულს და ხასიათს. თუ გინდა შეიგრძნო ბედნიერება, ამოიღე ეს სიტყვები შენი სასაუბრო ლექსიკონიდან და უბრალოდ ღიმილით და მეტი პოზიტივით შეხვდი ყველა იმედგაცრუებას, ტკივილს და დარდს. რთულია ჩემთვის ამაზე წერა, მაშინ როცა ყველაზე მეტად მიჭირს ეს, თუმცა ვიცი რომ ესე უნდა მოვიქცე და მინდა ეს ერთად გავაკეთოთ.

ბედნიერება ძალინ ვრცელი მნიშვნელობისაა. სასოწარკვეთილების დროს, მაშინ როცა ყველაზე უბედური გვგონია თავი, უნდა თქვა, რომ ბედნიერი ხარ, ბედნიერი იმით რომ ეს შეგემთხვა და რომ ამას ხვდები მშვიდად, ისე რომ ვერ მოგერია ის, შენ ის დაამარცხე. ეს ხომ ყველას არ შეუძლია, შენ კი შეძელი, ხოდა ეს აქციე იმის მოტივად, რომ იყო ბედნიერი. შთააგონე თავს: “ეს შემთხვევა კი არ არის ჩემი უბედურების წყარო, პირიქით, მისი ღირსეულად დათმენის უნარია ბედნიერება…“.