ადიგენში მცხოვრები 17 წლის სოსო ბალახაშვილი სახლიდან 14 იანვარს გავიდა. როგორც ცნობილი გახდა, მას ძველით ახალი წელი მეგობრებთან ერთად უნდა აღენიშნა. ბიჭი შინ აღარ დაბრუნებულა... მოგვიანებით კი აღმოჩნდა, რომ სამეგობროს არც არანაირი ქეიფი არ დაუგეგმავთ. "სოსო სახლიდან 14 იანვარს, დილით გავიდა, გვეგონა მეგობართან დარჩა ღამით, იმიტომ რომ ადრეც იქეიფეს და ღამე იქ გაათენა. 15 იანვარს, როდესაც დილით მოვიკითხეთ და არსად იყო, მეგობრებმა თქვეს, რომ არ უქეიფიათ, სოსოს უთქვამს სახლში მივდივარო. ვერსად მივაკვლიეთ, ნათესავებთან, მეგობრებთან, ყველგან მოვიკითხეთ. კლასელის დედამ თქვა გაჩერებაზე დავინახეო, არ ვიცით სად უნდა წასულიყო"-გვიამბობდა სოსოს და ნათია ბალახაშვილი. 17 იანვარს სოსო სამართალდამცავებმა ჩამომხრჩვალი იპოვეს.

საქმეზე გამოძიება საქართველოს სისხლის სამართლის კოდექსის 115-ე მუხლით მიმდინარეობს: "თვითმკვლელობამდე მიყვანა ან თვითმკვლელობის ცდამდე მიყვანა მსხვერპლისადმი მუქარით ან სასტიკი მოპყრობით ანდა მისი პატივისა და ღირსების სისტემატიური დამცირებით, -ისჯება თავისუფლების შეზღუდვით ვადით სამ წლამდე ან თავისუფლების აღკვეთით ვადით ორიდან ოთხ წლამდე".

ბოლო დროს მოზარდებში სიცოცხლის თვითმკვლელობით დასრულებამ იმატა, გახშირდა თვითმკვლელობის მცდელობებიც. შეგახსენებთ, რომ 17 ნოემბერს დაკარგული 21 წლის ნინო გვასალია 10 ნოემბერს ჩამომხრჩვალი იპოვეს.