1000 დოლარი მიეცემა ოჯახებს, სადაც ახალშობილს მუჰამედის სახელს დაარქმევენ- აცხადებს ჩეჩნეთის პრეზიდენტი რამზან კადიროვი.
საუბარია 2014წლის 13 იანვარს დაბადებულ ბავშვებზე და მათ ოჯახებზე.
კადიროვის თქმით, ასეთი გადაწყვეტილება მიიღო მისმა დედამ–აიმანი კადიროვმა, რომელიც რუსეთის გმირის ახმად–ხაჯი კადიროვის სახელობის რეგიონალურ საზოგადოებრივ ფონდს ხელმძღანელობს.
სადღეისოდ მთელ რუსეთში შობადობის მხრივ ერთერთი საუკეთესო მაჩვენებლებია ჩეჩნეთში–2013 წელს ახალშობილთა რიცხვმა ხუთჯერ გადაამეტა რესპუბლიკაში გარდაცვლილების რაოდენობას.
ისლამურ ჩეჩნეთში მუჰამედის დაბადების დღეს ფართოდ აღნიშნავენ–მთელ რესპუბლიკაში მიდის საზეიმო ღონისძიებები, გროზნოს მეჩეთში ისლამური სიწმინდეების რელიქვიებია გამოტანილი. სოციალურად დაუცველებს 60 000 ტომარა შაქარი, ფქვილი და ბრინჯი დაურიგეს.
ტრადიციულად მუჰამედის დაბადების დღეს მუსულმანების უმრავლესობა (სუნიტები) აღნიშნავს ისლამური მთვარის კალენდრის მიხედვით, მესამე თვის მეთორმეტე დღეს.
წელს მუჰამედის დაბადების დღე დაემთხვა 13 დეკემბერს. თუმცა უნდა ითქვას, რომ მუსულმანურ მიმდინარეობებს შორისაცაა უთანხმოება ამ თარიღთან დაკავშირებით.