ახალი წლის წინა დღეებში ქალქების ქუჩებს რთავენ განათებებით, გირლანდებით, ლამაზი პლაკატებით და რაღათქმაუნდა, ნაძვის ხეებით. ბოლო წლებში ტრადიციული ნაძვის ხე ბევრგან შეცვალა კრეატიულმა უცნაურმა ნაძვებმა. სწორედ ასეთი საახალწლო ლამაზმანი დადგეს ლონდონის ერთ-ერთ ქუჩაზე. ის შექმნეს დიზაინერებმა ესპანური სტუდიიდან Luzinterruptus. ისინი ცნობილი არიან ნამუშევრებით სინათლის ინსტალაციაში და ეს ნაძვი სწორედ მათი ბოლო "შედევრია".

ამ ხის შესაქმენლად გამოყენებული იქნა პოლიეთილენის პაკეტები. საახალწლო ფასდაკლებებმა, რომლებიც ევროპაში 25 დეკემბრამდე გრძელდება, დიზაინერებს საშულება მისცა შეეკრიბათ სხვადასხვა ფირმების უამრავი ცელოფანის პაკეტი. ამ პაკეტების სხვადასხვა ფერები, მათი ჭრელ-ჭრელი წარწერები დაეხმარათ დიზაინერებს ულამაზესი ნაძვის მორთვაში.

თითოეული პაკეტი გაბერილია და მიცემული აქვს საჰაერო ბურთისმაგვარი ფორმა, ისინი მჭიდროდ არიან ერთმანეთთან დაკავშირებული და დამაგრებული არიან კარკასზე.

მყარ კარკასს აქვს კონუსისმაგვარი ფორმა და განათებულია შიგნიდან სპეციალური გასანათებელი მოწყობილობით, რომელიც საშუალებას იძლევა თანაბრად განათდეს მთელი ეს ხელოვნური ნაძვის ხე.

ზოგიერთი პაკეტი გამოვსებულია სხვა პატარა პაკეტებით, ზოგი კი გაბერილია ჰაერით.

დარჩენილი პაკეტები გამოყენებული იქნა ქუჩის გასალამაზებლად გირლანდების სტატუსით.

დიზაინერებმა თავიანთ შემოქმედებას დაარქვეს The Consumerist’s Christmas, რაც ნიშნავს "მომხმარებლების საშობაო ნაძვის ხე".