ეს უცნაური ადგილი მდებარეობს კალინინგრადის ოლქში. მოსახლეობაში მან მიიღო სახელწოდება "მოცეკვავე ტყე". ერთი შეხედვით შეიძლება მოგვეჩვენოს, რომ ეს სიტყვები ზედმეტად მაღალფარდოვნადაა ნათქვამი, მაგრამ ვისაც საკუთარი თვალით უნახავს ეს ტყე, სულაც არ ფიქრობს ასე.

როცა ტყეში შედიხართ, თავიდან თითქოს ყველაფერი ნორმალურადაა, მაგრამ საკმარისია რამოდენიმე კილომეტრით შეხვიდეთ ტყის სიღრმეში, რომ თქვენ თვალწინ გადაიშლება საოცარი სანახაობა, რომელიც სულს აგიფორიაქებთ და სისხლს გაგიყინავთ ძარღვებში.

რაც უფრო შორს შედიხართ ტყეში, სულ უფრო და უფრო მეტად უცნაური ხეები გხვდებათ, რაღაც გაუგებარი მიზეზის გამო მოხრილი და დაკლაკნილი. მეხსიერებაში ამოტივტივდება სალვადორ დალის სურათი, რომელზეც გამოსახულია რბილი საათი.

ხეებს ამ ზღაპრულ ტყეში აქვთ მეტად უცნაური ფორმა, მათი შტამები სპირალივითაა დახვეული, თითქოს რაღაც ზებუნებრივმა ძალამ გადაზნიქა ეს ბებერი ფიჭვები.

დღესდღეობით ამ ფენომენის ახსნა მეცნიერებს ვერ უპოვიათ.

არსებობს მხოლოდ ფსევდომეცნიერული ვერსიები: ექსტრასენსები ამბობენ, რომ ამ ადგილას არის ძლიერი მაგნიტური და ელექტრომაგნიტური ველი, რამაც გამოიწვია ეს მოვლენა, ხოლო ძველი ლეგენდების თანახმად ამ ადგილას ტარდებოდა წარმართული რიტუალები და ხდებოდა უამრავი მკვლელობა და თვითმკველობა ზუსტად იქ, სადაც ამჟამად ტყეა.

ყოველ შემთხვევაში, რა გახდა ხეების ასეთი დეფორმაციის მიზეზი, ჯერჯერობით უცნობია და სავარაუდოდ, ბუნების ეს ამოცანა არასოდეს არ ამოიხსნება.