მიუნხენის “ბაიერნში” იმ ფეხბურთელის ვინაობის დადგენა სურთ, რომელმაც დორტმუნდის “ბორუსიასთან” მატჩამდე პრესას ის ტაქტიკური სქემა გაუმჟღვანა, რომლითაც ბავარიელები თამაშს აპირებდნენ. მართალია, განვლილ მატჩში “ბაიერნმა” სტუმრად 3:0 მოუგო, მაგრამ გუნდის მთავარი მწვრთნელი პეპ გვარდიოლა მისი ერთ-ერთი შეგირდის ქმედების გამო ძალიან გაბრაზებულია: “მნიშვნელობა არ აქვს, ის ვინ არის, მაგრამ აუცილებლად “თავები დაცვივდება”. მოღალატეს გუნდიდან გავაგდებ. იგი ჩემი ხელმძღვანელობით არასოდეს ითამაშებს” – განაცხადა გვარდიოლამ. მიუნხენელთა დირექტორთა საბჭოს თავჯდომარემ კარლ-ჰაინც რუმენიგემ პრობლემის არსებობა დაადასტურა: “მისი პიროვნების დასადგენად ეროვნული უშიშროების სააგენტოს არ მივმართავთ. თუმცა, მას ვურჩევ ასეთ საქმიანობას მორჩეს, თორემ სერიოზული პრობლემები არა პეპ გვარდიოლასთან, არამედ, მთელ კლუბთან შეექმნება”.
მიუნხენის “ბაიერნში” იმ ფეხბურთელის ვინაობის დადგენა სურთ, რომელმაც დორტმუნდის “ბორუსიასთან” მატჩამდე პრესას ის ტაქტიკური სქემა გაუმჟღვანა, რომლითაც ბავარიელები თამაშს აპირებდნენ.
