ქუთაისში, წერეთლის უნივერსიტეტში მომხდარი ინციდენტის შედეგად ნაცემი ნიგერიელი სტუდენტის საქმე დღემდე გამოუძიებელია.

"უნივერსიტეტიდან გამოვდიოდი, როდესაც 4 ქართველი ბიჭი უმიზეზოდ თავს დამესხა. კართან ერთ–ერთმა ხელი დამარტყა და სიტყვიერ შეურაცხყოფას მაყენებდაროდესაც მე და ჩემმა მეგობარმა, იდაჰ ტიმოტიმ პატრული გამოვიძახეთ, ის ბიჭები გაიქცნენ. პატრულმა კი ისინი დღემდე ვერ ან არ იპოვა. სხვა დროსაც ყოფილა ასეთი შემთხვევები, სხვა ბიჭების მხრიდან, ისინი ძალიან უხეშები არიან. მიუხედავად ამ შემთხვევებისა, მაინც მოგვწონს ჩვენ საქართველო და ქართველები. ყველანი ერთნაირები არ არიან, მაგრამ უმრავლესობა რასისტია. გვინდა გაიგონ ქართველებმა, რომ ჩვენ ცუდები არ ვართ, იმის გამო რომ შავკანიანები ვართ და აზრი შეიცვალონ ჩვენზე“– ამბობს ჯივა აბიოდუნი.