ბერლინში გაიხსნა მეოთხე ტრადიციული სინათლის ფესტივალი, რომელიც გასტანს 26 ოქტომბრამდე. ფესტივალის განმავლობაში ქალაქის არქიტექტურული ღირსშესანიშნაობები, ბულვარები, მოედნები, ისტორიული და თანამედროვე შენობები იქნება განათებული სხვადასხვა ფერის შუქებით. ფესტივალის პროგრამა აგრეთვე ითვალისწინებს სხვადასხვა ღონისძიებების ჩატარებას, მათ შორისაა ფერების შოუ და ფეიერვერკები.

საერთო ჯამში ახალი განათება დამონტაჟდა 40 შენობასა და ობოექტზე, მათ შორისაა ბრანდენბურგის ჭიშკარი, სასტუმრო "ადლონი", რადიო– და ტელეანძები, ბერლინის ტაძარი და სხვა შენობები.

განსაცვიფრებელი სილამაზის ფერთა სპექტაკლი იწყება საღამოს 19 საათზე ადგილობრივი დროით და გვიან ღამემდე გრძელდება. გთავაზობთ სურათებს, თუ როგორ გამოიყურება განათებული ბერლინი.