მოციქულთა პეტრესა და პავლეს ხსენების დღე ძველი სტილით 29 ივნისს, ხოლო ახალი სტილით კი დღეს, 12 ივლისს აღინიშნება, გილოცავთ ყველას.

ამ ბრწყინვალე დღესასწაულს კი წინ სდევდა ორ კვირიანი მარხვა, რომელიც ეკლესიური გადმოცემების თანახმად ჯერ კიდევ უხსოვარი დროიდან მოციქულებს დაუწესებიათ.

პეტრე თორმეტმოწაფეთაგანია, ხოლო პავლე კი ყოფილი ქრისტიანთა მდევნელი სავლე, რომელიც სასწაულებრივი მოქცევის შემდეგ გახდა უფლის უდიდესი მსახური.

წმინდა მოციქულები პეტრე და პავლე თავიანთი მოციქულებრივი და მოწამეობრივი ღვაწლით გამორჩეულნი არიან სხვა მოციქულთა შორის, რის გამოც ეკლესია მათ იხსენიებს როგორც "თავთა მოციქულთა". მიუხედევად იმისა, რომ ისინი სხვადასხვა გზით მოვიდნენ ქრისტესთან, მათ შორის არის ერთგვარი სულიერი სიახლოვე, მსგავსება, რაც თუნდაც იმაში გამოხატება, რომ ისინი ერთდროულად აღესრულნენ იმპერატორ ნერონის დროს, 67 წელს. პეტრე თავდაყირა გააკრეს ჯვარზე, ხოლო პავლეს თავი მოჰკვეთეს.

ეს ორნი მოციქულნი არიან მაგალითნი ადამიანის თავდადებული სარწმუნოებისა და სიყვარულისა.

წმინდა მოციქულებმა პეტრემ და პავლემ დაგლოცოთ და გაგახაროთ, აგისრულოთ ყოველი თქვენი ვედრება! მათი ლოცვით, ღმერთმა დაამშვიდოს და გაამთლიანოს სრულიად საქართველო!