"რატომ იყო რევოლუციამდელი ბავშვი გონებაჩლუნგი?

- იმიტომ, რომ მას არ ჰქონდა სათამაშო!" :)))

ჰოდა, გადავწყვიტე ამ სტატიაში სათამაშოებზე გესაუბროთ, უფრო სწორად, მსოფლიოში ყველაზე უცნაურ სათამაშოებზე... არ ვიცი ქვემოთ წარმოდგენილი სათამაშოები რამდენად გასართობი იქნება ბავშვებისთვის, მაგრამ ბავშვის განვითარებაზე ზოგიერთი მათგანის დადებითი ეფექტი ნამდვილად კითხვის ნიშნის ქვეშ დგას.

თქვენ თვითონ შეფასეთ...

1. Tuttuki Bako - ციფრული შინაური ცხოველი.

"ტამაგოჩის" მსგავსი ციფრული კუბის ფორმის სათამაშო, რომელშიც თითის შეყოფით შეიძლება შიგ არსებული ცხოველის "დაპურება" თუ სხვა ქმედებების შესრულება.

2. რობოტი კატა.

Sega Toy-ს მიერ წარმოებული სათამაშო კატა, რომელსაც 5 სენსორი გააჩნია და რეაგირებს შეხებაზე: მოფერების დროს კნავის, მუცელზე ხელი გადასმისას ფეხს მაღლა წევს და ა.შ.

3. H-bouya

იაპონიაში წარმოებული პატარა სათამაშო ბიჭუნები, რომლებიც USB მოწყობილობით უერთდება კომპიუტერს და H კლავიშზე დაჭერისას თვალები ენთებათ.

5. მაღვიძარა - თოფი

ეს არის ჩვეულებრივი მაღვიძარა. მაგრამ მას შემდეგ, რაც მითითებულ დროს სიგნალი ჩაირთვება, მისი გამორთვა მხოლოდ სპეციალური თოფის სროლით შეიძლება.

6. ასაწყობი თოჯინები

თოჯინები, რომლებსაც კიდურები "ამპუტირებული" აქვთ და ბავშვებს შეუძლიათ "მიაბან" ისინი....

7. პარაპლუშები

პლუშის ცხოველების ნაკრები, რომლებიც სხვადასხვაგვარი გონებრივი აშლილობით "იტანჯებიან": კუს დეპრესია აქვს, გველს - ჰალუცინაცია, ცხვარს - პიროვნების დისოციაციური აშლილობა, ნიანგს - პარანოია, ბეგემოტი კი ისეა ჩართული პაზლის აწყობაში, რომ ირგვლივ ვერავის და ვერაფერს ამჩნევს.

ვერაფერს იტყვი, საინტერესო გასართობია! :))

8. გაჭყლეტილი კატა.

უბრალოდ, მანქანის მიერ გაჭყლეტილი კატის იმიტაცია... (საბრალო ბავშვები!)

9. ერვინი - ქირურგიული თოჯინა

თოჯინა, რომელსაც მუცელი ეხსნება და ბავშვს შეუძლია "შიგთავსი" ამოიღოს... სავარაუდოდ, ასეთი "ოპერაციის" შემდეგ თოჯინა უნდა მოკვდეს, მინიმუმ/მაქსიმუმ თვალები დახუჭოს, მაგრამ არა, "სახეზე" ეტყობა, რომ ერვინს ძალიან სიამოვნებს ეს პროცესი...

10. სეიფის მძარცველების ნაკრები

საინტერესოა, რაში მდგომარეობს ამ სათამაშოს იდეა? იმაში ხომ არა, რომ ბავშვი რაც შეიძლება პატარა ასაკიდან შევამზადოთ "კრიმინალური" ქმედებებისთვის? :))

11. ყულაბა-სახე

ყულაბა, რომელიც მონეტის ჩაგდების შემდეგ იწყებს მის "ღეჭვას".

12. Doggie Doo

სათამაშო ძაღლი, რომელიც ყველაფერს "რეალურად" აკეთებს: ჭამს და კუჭშიც გადის.... თან ნიჩბებიც მოყვება, რათა ბავშვმა ისწავლოს შინაური ცხოველების მოვლა და მათი ნარჩენების გატანა... რას ერჩი, სათამაშოს აშკარად აქვს აღმზრდელობითი დანიშნულება: ეხმარება ბავშვს სანიმუშო მოქალაქე გახდეს! :)

13. გიგანტური მიკრობები

ეს არის პლუშის მიკრობები. იქნებ ამის შემდეგ მაინც დაიჯერონ ბავშვებმა მიკრობების არსებობა და ხელის დაბანის აუცილებლობა. :)

14. მოცურავე მიკრო სათამაშოები

ამ სათამაშოების ერთადერთი დანიშნულება არის წყლით სავსე ჭურჭელში ჩაგდება და ყურება, როგორ დაცურავენ მასში...

15. Kaba Kick

ფაქტიურად "რუსული რულეტის" სათამაშო ვარიანტია... მშვენიერი გასართობია ბავშვებისთვის! :))