პარტიამ "მშვიდობა დემოკრატიულ აზერბაიჯანს" საპრეზიდენტო კანდიდატად ახლანდელი პრეზიდენტის მეუღლე, მეჰრიბან ალიევა დაასახელა.როგორც «Кавказский узел», იუწყება 15 ივნისს პარტიის მე-5 ყრილობაზე ერთხმად დასახელდა აზერბაიჯანის მომავალი პრეზიდენტის კანდიდატურა, პრეს-სამსახურმა კი ოფიციალური განცხადება 21 ივნისს გაავრცელა, არჩევნები ამა წლის ოქტომბერში გაიმართება.მანამდე კი, 7 ივნისს, პარტია "ენი აზერბაიჯანმა" მომავალ პრეზიდენტის კანდიდატად მოქმედი პრეზიდენტი ილხამ ალიევი დაასახელა."მეჰრიბან ალიევა -ჩვენი ლიდერია და გვაქვს უფლება დავასახელოთ იგი პრეზიდენტობის კანდიდატად"-განაცხადა პარტიის პირველ მოადგილემ სევდა ხურშუდოვმა.პარტია "ენი აზრებაიჯანი"ჯერ-ჯერობით კომენტარს არ აკეთებს პარტია "მშვიდობა დემოკრატიულ აზერბაიჯანის" ინიციატივაზე, ჯერ-ჯერობით კომენტარი არც თვითონ პრეზიდენტობის კანდიდატს, მეჰრიბან ალიევას გაუკეთებია.არჩევნები 16 ოქტომბერსაა დაგეგმილი, თუმცა ამ დღეებში რელიგიური დღესასწაული ყურბან ბაირამი ემთხვევა და შეიძლება იგი გადატანილი იქნეს.