ბრიტანელმა სკოლის მოსწავლემ, ემილი ჰარისმა თურქეთის საზღვარი გადაკვეთა თავისი პლუშის სათამაშო მარტორქის, ლილის პასპორტით.

ემილის დედის თქმით, საბაჟოზე გავლისას შეცდომით მისცა ქალიშვილს სათამაშო პასპორტი. თუმცა ამას ხელი არ შეუშლია მებაჟისთვის ვიზა ჩაერტყა მასში. უფრო მეტიც, იგი გამოელაპარაკა გოგონას, გამოჰკითხა მას ასაკი.

შეცდომა მშობლებმა მხოლოდ მაშინ შენიშნეს, როცა საბაჟოს გავლის შემდეგ პასპორტები შეინახეს. ისიც კი გაიფიქრეს, საბაჟოშიც შეამჩნევდნენ ამ გაუგებრობას და აუცილებლად დაგვაბრუნებენ უკანო, მაგრამ არაფერი არ მომხდარა.

ყველაზე საინტერესო კი ის არის, რომ სათამაშო პასპორტი გარეგნულად ნამდვილს სრულიად არ გავს. იგი გამოშვებულია კომპანია Bear Factory-ის მიერ, ჩაკრულია სათამაშო მარტორქის ფოტო და აღნიშნულია მისი წარმოების ადგილი და თარიღი, ფერი და ზომები.