ქართველი მომღერალი ლელა წურწუმია დაქორწინებულია კახა მამულაშვილზე. მამულიჩა მეუღლის პროდიუსერიც გახლავთ. წყვილს ქორწინებიდან ერთი ქალიშვილი მარიკო ჰყავს. ალბათ არ იცოდით, რომ მამულიჩას პირველი უიღბლო ქორწინებიდან ვაჟი ჰყავს, 19 წლის ნიკოლოზი. ის ამერიკაში ცხოვრობს და ახლა ირჩევს პოფესიას. ნიკოლოზი ახლა საქართველოშია, წელიწადში ორჯერ სტუმრობს სამშობლოს. ის ახლა კრივზე დადის, რაც მამულიჩას ძალიან ახარებს. მამა-შვილი ერთმენეთს ძირითადად სოციალური ქსელის მეშვეობით ეკონტაქტება. მამულიჩა შვილს არაფერს უკრძალავს, უბრალოდ არ უნდა შვილმა მამის შეცდომა გაიმეოროს და ნაადრევად დაოჯახდეს. ნიკოლოზი დამჯერე შვილი ჩანს, შეყვარებული ჯერ არ ჰყავს. "ლელას და ნიკოლოზს ძალიან ახლო ურთიერთობა აქვთ. ხანდახან ისეთ თემებზე ლაპარაკობენ, რომ არც კი მეუბნებიან. ლელას ნიკოლოზი ძალიან უყვარს"-გვიამბობს კახა მამულაშვილი.

ლელას და მამულიჩას საერთო ქალიშვილი ჰყავთ, მარიკო. გოგონა ანსამბლ "თელაში" დადის, სამეჯლისო ცეკვებს ეუფლება, ინტერნეტით ხშირად უსმენს სიმღერებსაც. ლელას მტკიცებით, მარიკო დედას ჰგავს, მასავით ჯიუტი და შეუვალია.

მამულიჩა პირველი ოჯახის დანგრევის მიზეზად ასაკს ასახელებს, თვლის, რომ წლების მატებასთან ერთად ბევრი რამის გადაფასება ხდება. პირველ მეუღლესთან მეგობრული დამოკიდებულება აქვს, მათ ხომ საერთო შვილი ჰყავთ...