მადრიდის “რეალს” ახალი ტიტულოვანი სპონსორი ეყოლება. Marca-ს ცნობით, ამა წლის 30 აპრილს “სამეფო კლუბსა” და არაბულ ავიაკომპანია Fly Emirates-ს შორის ოთხწლიანი კონტრაქტი გაფორმდება.
შეთანხმების თანახმად, მომავალი სეზონის დასაწყისიდან მადრიდელები ყოველწლიურად 25 მილიონ ევროს მიიღებენ, რაც ამ კლუბისთვის სარეკორდო თანხა იქნება.
ამასთან, ამჟამინდელი გენერალური სპონსორი, საბუქმეიკერო კომპანია Bwin-ი, “რეალთან” თანამშრომლობას გააგრძელებს, ოღონდ, მეორეხარისხოვანი სპონსორის რანგში. შეგახსენებთ, რომ Fly Emirates-სი უკვე არის ლონდონის “არსენალისა” და იტალიური “მილანის” სპონსორი.

www.worldsport.ge