მირანდა კერი "Victoria’s Secret-ის" ერთ-ერთი ყველაზე ცნობილი და წარმატებული მოდელია. თუმცა, მას ბრენდის ანგელოზად ვეღარ ვიხილავთ, გავრცელებული ინფორმაციით, ავსტრალიელ ლამაზმანთან კონტრაქტის ვადა ამოიწურა.

კონტრაქტის მიხედვით, მოდელის შემოსავალი 3 წლის მანძილზე მილიონ დოლარს აღწევდა.

"მირანდას არაერთგვაროვანი რეპუტაცია აქვს, ის არ იყო პრომო-კამპანიის ყველაზე აქტიური მონაწილე. მან შეიძლება მიიღოს ჩვენებებში მონაწილეობა, როგორც ჩვეულებრივმა მოდელმა, ამისთვის აუცილებელი არაა "Victoria’s Secret-ის" ანგელოზი იყო, "- აცხადებენ გუნდში.

მირანდასთან კონტრაქტის ვადის ამოწურვას ბრენდის მარკეტინგული დირექტორი ედ რეზეკიც ადასტურებს.