საქართველოს განათლების მინისტრის მოადგილემ, დავით ზურაბიშვილმა ტექსტი გამოაქვეყნა თავის "ფეიბუკის" გვერდზე. იგი მთლიანად ფრაქცია 'ნაციონალური მოძრაობის"წევრს ჩიორა თაქთაქიშვილს ეხება.გთავაზობთ მიმართვის სრულ ტექსტს:"ათ წელზე მეტია რაც ჩიორა თაქთაქიშვილს ვიცნობ. პირველად რომ ვნახე სულ ახალგაზრდა იყო, უნივერსიტეტის სტუდენტი და იყო ძალიან ხალისიანი და სიცოცხლით სავსე გოგონა. გამორჩეულად მომწონდა იმ ახალგაზრდებს შორის, კმარას აქტივისტები რომ გახდნენ. მერე საფრანგეთში წავიდა სასწავლებლად და გაზეთ "საქართველოს რესპუბლიკაში" სტატიაც კი დაიწერა, აი როგორი ნიჭიერი ახალგაზრდები გვყავს, ერს რა საამაყო შვილი ეზრდებაო და ეგეთ სტილში...
ამას იმიტომ ვიხსენებ, რომ ჩემთვის ძალიან უსიამოვნო საყურებელი იყო, თუ როგორ გადაიქცა ბოლო წლებში ეს ახალგაზრდა გოგო გაქვავებული სახით და დაშტამპული ფრაზებით მოლაპარაკე რობოტად. მიუხედავად ამისა, ძალიან გავბრაზდი, როცა 8 თებერვალს ვნახე ნაცემი და ვთვლი, რომ უკიდურესად უღირსი ქცევა იყო მისთვის ხელის გარტყმა.
ასევე ძალიან არ მომეწონა ჩიორას რეაქცია, ყველანი ისევ ციხეში დაბრუნდებითო, რომ იმუქრებოდა, მაგრამ აი რას არ მოველოდი და ასეთ "დიშოვი" აფერისტობამდე თუ დაეცემოდა. რაა ეს, უბრალოდ სამარცხვინოც აღარ ჰქვია ამას - შეურაცხმყოფლად სამარცხვინო საქციელია! ვინმე ნორმალური მაინც არა ჰყავს საახლობლოში რომ უთხრას: რას შვრები, ხომ არ გარეკე, ვის ატყუებ ამით?..

აი, ნაცმოძრაობა მაგარია პიარშიო, მეორეს არ მითხრას არავინ რა...