არჩევნების წინ ინგა გრიგოლიამ კანდიდატურა მოხსნა და საკუთარი საქციელით მთელი საქართველოც გააოგნა. მისი თქმით, ამ გადაწყვეტილების მიზეზი საზოგადოების ნაწილისგან წამოსული აგრესია იყო, რომელსაც ვეღარ გაუძლო.

რას საქმიანობს ახლა ინგა გრიგოლია?

ინგამ არ იცის რა უნდა მოხდეს ისეთი, რომ პოლიტიკისკენ ისევ გაიხედოს.
მისთვის ახლა უმთავრესია დაწყნარდეს, ემოციებისაგან დაიცალოს, როგორც თვითონ ამბობს განიავდეს და გახდეს ნეიტრალური. ის რამდენიმე ძველ თანაგუნდელთან ახლაც მეგობრობს, მომავალში ისინი ჩემი რესპოდენტები იქნებიანო. ინგასათვის თანამდებობა მნიშვნელოვანი სულაც არ არის, უნდა საკუთარ თავისუფალ სივრცეში იმუშაოს და საყვარელი საქმე აკეთოს. ინგა ჯანდაცვისა და სოციალური დაცვის კომისიაში მუშაობდა, იმდენი გაჭირვებული ვნახე საშინელი დეპრესია დამეწყო და რაც ყველაზე ცუდია მათ ვერ ვეხმარებოდიო. ინგას ახალი პროექტი აქვს, მაგრამ ჯერ კიდევ არ იცის, რომელ არხზე გავა მისი გადაცემა, რომელიც სოციალურ-პოლიტიკური იქნება. უზარმაზარი კარიერული ქაოსის ფონზე ინგას პირად ცხოვრებაში ყველაფერი საათივით აწყობილია. ალბათ გაიკვირდებათ და ინგა გრიგოლია შეყვარებულია. მისთვის სიყვარული ყოველთვის დამატებითი სტიმული იყო და ახლაც ასეა. ინგა შეყვარებულის ვინაობას არ ამხელს, სამაგიეროდ ამბობს, რომ სამსახურეობრივი რომანი არასდროს ჰქონია.

ვუსურვოთ ქალბატონ ინგას წარმატებები და ბედნიერი მომავალი...