ლას-ვეგასში გამართულ საერთაშორისო კონკურსის "მის სამყარო 2012"-ის გამარჯვებული 20 წლის ამერიკელი სტუდენტი ოლივია კალპო გახდა. კონკურსში 89 გოგონა მონაწილეობდა მსოფლიოს სხვადასხვა კუთხიდან.

კონკურსის 60 წლიანი ისტორიის მანძილზე ოლივია კალპო უკვე მერვე გამარჯვებულია ამერიკის შეერთებული შტატებიდან და პირველი ამერიკელი "მის სამყარო" ბოლო 15 წლის განმავლობაში. გოგონა ბოსტონის უნივერსიტეტის მეორე კურსის სტუდენტია. იგი უკრავს ვიოლანჩელოზე და აქტიურად არის ჩართული სარძევე ჯირკვლის კიბოსთან ბრძოლის ორგანიზაციაში.

მეორე ადგილი "მის სამყარო 2012"-ზე დაიკავა "მის ფილიპინებმა"-ჯანინ ტუგონონმა,

მესამე ადგილი ვენესუელის წარმომადგენელმა ირენ სოფია ესერ კინტერომ,

ხოლო "მის კონგენიალურობის" ტიტული დაიმსახურა გვატემალელმა ლაურა გოდოიმ.

საქართველოს სახელით "მის სამყარო-2012"-ზე მონაწილეობას ღებულობდა "მის საქართველო" 2012 წლის გამარჯვებული თამთა შედანია.

კონკურსის პირობების მიხედვით მონაწილეები უნდა ყოფილიყვნენ ასაკით 18-დან 27 წლამდე, გასათხოვრები და უშვილოები. მის სამყაროს გამარჯვებულს ორი გვირგინი გადაეცა, ბრილიანტის და მარგალიტის, რომელთა ღირებულებაც 270 ათას დოლარს შეადგენს. ასევე გამარჯვებულს მისცეს გრანტი 45 ათასი დოლარის ფარგლებში, ნიუ-იორკის კინოსა და ტელევიზიის სკოლაში სასწავლებლად. მთელი წლის განმავლობაში, გამარჯვებული უნდა იყოს ჩართული საქველმოქმედო პროექტებში და დაიცვას გარკვეული ეთიკის კოდექსი. სანაცვლოდ, კი მას ექნება ანაზღაურება.