დღეს ზურაბ ჟვანიას 49 წელი შეუსრულდებოდა. მოძრაობა „საქართველოს მწვანეების" დამფუძნებელი 1988 წელს, საქართველოს "მოქალაქეთა კავშირის" გენერალური მდივანი, საქართველოს პარლამენტის თავმჯდომარე 1995-99 წლებში.აღმასრულებელ ხელისუფლებაში გამეფებული კორუფციის გამო იგი გადადგა პარლამენტის თავმჯდომარეობიდან და ოპოზიციაში გადავიდა."ვარდების რევოლუციის" შემდეგ ქვეყნის პრემიერ-მინისტრი გახდა.(2004 წლის 17 თებერვლიდან).ზურაბ ჟვანია დაიღუპა 2005 წლის 3 თებერვალს გაზის გაჟონვით.(ოფიციალური ვერსიით.)..თუმცა მისი სიკვდილი დღემდე ბურუსითაა მოსილი და ბევრ კითხვას ბადებს.2012 წლიდან ზურაბ ჟვანიას გარდაცვალების ფაქტზე გამოძიება განახლდა.პროკურატურაში დამატებითი მასალები მისმა ძმამ გოგლა ჟვანიამ მიიტანა." მე არაერთხელ დამიფიქსირებია და ახლაც ვამბობ, რომ ყოფილი იუსტიციის მინისტრი ზურაბ ადეიშვილი, საქართველოს პრეზიდენტი მიხეილ სააკაშვილი და ვანო მერაბიშვილი არიან ის ადამიანები, რომლებიც სულ ცოტა ამ საქმის მასალებს აყალბებდნენ და ცდილობდნენ საქმის მიჩქმალვას, "- განაცხადა გოგლა ჟვანიამ.