მთავარმა პროკურორმა არჩილ კბილაშვილმა გირგვლიანის საქმეზე ისაუბრა და განაცხადა, რომ არსებობენ ახალი მოწმეები, რომელთა დაკითხვის შემდეგაც პროკურატურა აღნიშნულ თემაზე ინფორმაციას გაავრცელებს.კბილაშვილმა აქვე დასძინა, რომ ვანო მერაბიშვილის მეუღლე თაკო სალაყაია საქართველოში არ იმყოფება, ამიტომ გირგვლიანის საქმესთან დაკავშირებით მისი დაკითხვა ვერ ხერხდება.მან მერაბიშვილის ყალბი პასპორტის შესახებაც ისაუბრა და განაცხადა, რომ მისი დაკავება აღნიშნული ფაქტის გამო არ უნდა მოხდეს, თუმცა ინსპექტორს მართლაც წარედგინა პასპორტი, რომელშიც სხვა პირის სახელი იყო მითითებული.მიუხედავად ამისა, მერაბიშვილისთვის ქვეყნიდან გასვლის ხელის შეშლის ფაქტი არასდროს ყოფილა, აღნიშნულ შემთხვევაზე კი გამოძიება ყოველგვარი აჟიოტაჟის გარეშე მიმდინარეობს.