ასეთი გადაწყვეტილება ავღანეთში ბელგიური კონტიგენტის მეტაურობამ NATO-ს სარდლობის მხარდაჭერით მიიღო. ჩანაფიქრის თანახმად, ომგამოვლილმა მებრძოლებმა მშვიდობიან ცხოვრებასთან ადაპტაციის პერიოდი მანამ უნდა გაიარონ, სანამ სამშობლოში თავიანთ შვილებს, მეუღლეებსა და მშობლებს დაუბრუნდებიან.სამხედრო ფსიქოლოგებისა და მედიკოსების გეგმის თანახმად, ჯარისკაცები სამი დღის განმავლობაში კუნძულ კვიპროსის კურორტებზე დაისვენებენ და ავღანური განცდებისგან განთავისუფლდებიან. უკვე ცნობილია თანხის ოდენობაც, რომელსაც ბელგიის სამხედრო სარდლობა თითოეული ჯარისკაცის განცხრომისთვის გამოყოფს და ის 400 ევროს შეადგენს.
თუმცა, ფსიქოლოგთა და მედიკოსთა ერთი შეხედვით ბრწყინვალე იდეას, რაოდენ გასაკვირიც არ უნდა იყოს, თავად ჯარისკაცები მაინცდამაინც დიდი აღტაცებით არ შეხვდენენ. თურმე ავღანეთში ნაომარ მებრძოლებს უპირველესად საკუთარ ოჯახებში, საყვარელ ადამიანებთან დაბრუნება სწადიათ და ზღვის ლაჟვარდოვან სანაპიროზე თვალი სულაც არ რჩებათ.