აშშ-ის თავდაცვის სამინისტროს პერსპექტიული კვლევების
სამმართველო DARPA-მ სპეცილაურ პროგრამაზე მუშაობა დაიწყო, რომლის მიზანი ისეთი მოწყობილობის შექმნაა, რომელიც ჯარისკაცებს შიშისა და დაღლილობის შეგრძნებას გაუქრობს. ადამიანის გუნება-განწყობაზე ზემოქმედებისთვის ამერიკელი მეცნიერები ულტრაბგერითი იმპულსური სტიმულაციის გამოყენებას აპირებენ. ახალი მეთოდი ქირგიული ჩარავასა და ტვინში იმპლანტანტის გაკეთებას არ ითვალისწინებს და მხოლოდ თავის ქალაზე გარედან მანიპულირებს.
უახლესი ტექნოლოგიური მიხწევებით შექმნილი საშუალება, რომელიც ჯარისკაცის ჩაფხუტში დამონტაჟდება, მეომრის ტვინის ფუნქციას დისტანციურად დაარეგულირებს-აამაღლებს აქტივობას, მოხსნის სტრესსა და ტკივილის შეგრძნებას. მოწყობილობა ჯარისკაცებს საშუალებას მისცემს, სწრაფად შეძლონ მოდუნება და დასვენება და სწრაფადვე მოიკრიბონ ყურადღება და მოვიდნენ საბრძოლო მდგომარეობაში, რაც დამოუკიდებლად მხოლოდ რჩეულებს შეუძლიათ.
მორალისტები ამ მოწყობილობას სიფრთხილით ეკიდებიან და შიშობენ, რომ "ულტრაბგერითი" ჩაფხუტებით აღჭურვილი სამხედრო შენაერთი, რომლის გუნება-განწობის სტიმულაცია უნისონში, დისტანციურად მოხდება ზომბების არმიას დაემსგავსება. ამ მოსაზრებას არ ეთახმებიან სამხედროები, რომელთა აზრით, სწორედ ერთი ემოციით, ენერგიითა და შემართებით მებრძოლი მებრძოლებისგან შემდგარი ჯარია საუკეთესო და წარმატებული.