ირანის კუნძულ ჰორმუზზე გააშენეს უჩვეულო საკურორტო დასახლება ხედით სპარსეთის ყურეზე. კომპლექსი მოიცავს 200-მდე სხვადასხვა ზომის გუმბათოვან ნაგებობას, რომლებიც გვახარებს კაშკაშა ფერებით და გლუვი ფორმებით. დასასვენებლად გასაოცარი ადგილია.

პროექტი სახელწოდებით „მაჯარა“ (სპარსულიდან ითარგმნება, როგორც „თავგადასავალი“) ეკუთვნის თეირანში დაფუძნებულ არქიტექტურულ ბიუროს ZAV Architects.

ამ „მულტიქალაქში“ შესაძლებელია 85 სტუმრის განთავსება 17 ლუქსში, რომლის ღირებულება 20 დოლარიდან იწყება.

გუმბათოვანი ნაგებობების ნაწილი საცხოვრებელი არ არის, არამედ რესტორნები, კაფეები, მაღაზიები, სპა, გალერეა, სამლოცველო და ტურისტული ოფისი.

ირანის კუნძული ჰორმუზი ცნობილია თავისი ქვიშიანი სანაპიროებით ბუნებრივად შეფერილი ქვიშით და ულამაზესი პეიზაჟებით. მას ხშირად „ცისარტყელას კუნძულს“ უწოდებენ.

სწორედ ამან შთააგონა არქიტექტორები, შეექმნათ ისეთი ფერადი და კაშკაშა ადგილი, როგორიც არის მაჯარა. სახლების ინტერიერიც ძალიან ნათელია. აი, ასე გამოიყურება ნომერი (სურათზე მარჯვნივ არის ნომერი, რომელშიც 4 ადამიანის განთავსება შესაძლებელია).

ეს არის ვესტიბიული დასასვენებელ სივრცეში. კომპანია ZAV Architects ამბობს, რომ მათ წაახალისეს ადგილობრივი მოსახლეობა გუმბათების მშენებლობაში მონაწილეობის მისაღებად. მშენებლობაზე ყოველდღიურად 50 ადგილობრივი იყო დასაქმებული.

ფოტოზე მარცხნივ - რესტორანი, მარჯვნივ - დასასვენებელი ოთახი ადგილობრივი წარმოების ლამაზი ავეჯით.

გუმბათები აშენდა ირანელი არქიტექტორის ნადერ ხალილის მიერ შემუშავებული Superadobe-ის მეთოდით. ეს ტექნიკა მოიცავს ტომრების გავსებას ქვიშით, მიწის და ცემენტის ფენებით და შემდეგ მავთულხლართებით გამაგრებას. შედეგად გამოდის სკის ფორმის ნაგებობები დახრილი თაღებით, ჩაღრმავებული გუმბათებით და ძლიერი მოხრილი კამარით. სტრუქტურებს აქვს მყარი კონსტრუქცია.

მაჯარას დასახლება არის უფრო დიდი პროექტის „ჰორმუზში ყოფნის“ ნაწილი, რომლის მიზანია შექმნას ტურიზმზე ორიენტირებული „ურბანული ნაგებობები“ ადგილობრივი კუნძულოვანი საზოგადოების შესაძლებლობების გასაფართოებლად.

ასევე დაგაინტერესებთ:

აუროვილი - ქალაქი, სადაც არ არის პოლიტიკა, რელიგია და ეროვნული ნიშნით განსხვავებები

იცუკუსიმა – წმინდა კუნძული, სადაც აკრძალულია დაბადება და სიკვდილი

როგორ ცვლის ღამის განათება ცნობილ შენობებს: ფოტოები გადაღებული დღისით და ღამით

კუნძული ლანსაროტე და მისი უცხოპლანეტური პეიზაჟები

20 ფოტო შვედეთიდან, რომელიც აჩვენებს, რამდენად საინტერესო და განსაკუთრებული ქვეყანაა