„მართლაც დაუვიწყარი ღამე ელტონ ჯონის ლეგენდარულ ოსკარის წვეულებაზე! დიდი სიამოვნებაა ამ ღამის გაზიარება განსაცვიფრებელ ჰაიდი კლუმთან, ლეგენდარულ დონატელა ვერსაჩესთან და ბევრ სხვა გამორჩეულ სტუმართან. დასამახსოვრებელი ღამე“, - წერს "ინსტაგრამზე" ნუცა ბუზალაძე.

ნუცა ბუზალაძის კარიერა 2011 წლიდან იწყება, როდესაც 14 წლის ასაკში მონაწილეობა მიიღო „ნიჭიერში“ და ნახევარფინალამდე მიაღწია.

2013 წელს ნუცა მონაწილეობდა GDS-ის პროექტ „ერთი-ერთში“, სადაც დაიკავა მე-4 ადგილი. 2014 წელს ლატვიის ქალაქ ლიეპაიაში, მე-13 საერთაშორისო კონკურსში მიიღო მონაწილეობა. იგი სოსო პავლიაშვილის და დუეტ "ჯორჯიას" შემდეგ მესამე ქართველია, ვინც „ახალი ტალღა“ მოიგო.

საქართველოში დაბრუნების შემდეგ, მომღერალმა მონაწილეობა მიიღო „ცეკვავენ ვარსკვლავებში“, მაგრამ მიღებული ტრავმის გამო მე-7 ტურიდან პროექტი დატოვა.იგი აგრეთვე მონაწილეობდა პროექტ „ორ ვარსკვლავში“.

2024 წლის ევროვიზიის სიმღერის კონკურსზე საქართველო წარადგინა სიმღერით „Firefighter“, სადაც ფინალში 34 ქულით 21-ე ადგილი დაიკავა.იყო აგრეთვე ცნობილი შოუს, American Idol-ის მონაწილეც.