კინოს სამყაროში მსახიობების ვარსკვლავური სტატუსი ხშირად ხდება ფილმის პოპულარიზაციის მთავარი კოზირი. თუმცა, ისტორიამ იცის ბევრი მაგალითი, როდესაც წარმატება მიაღწია ფილმებსაც, რომელშიც არც ერთი ცნობილი ადამიანი არ მონაწილეობდა.

ამ ფილმებმა დაამტკიცეს, რომ კინოს ნამდვილი მაგია არის სიუჟეტში, რეჟისურასა და ნიჭში და არა ვარსკვლავურ დასში. წარმოგიდგენთ 12 ფილმს, რომლებიც გახდა ჰიტი ცნობილი ადამიანების მონაწილეობის გარეშე

1. “ჰელოუინი“ (1978)

ჯონ კარპენტერმა შექმნა საკულტო ჰორორი, რომელმაც არა მხოლოდ საფუძველი დაუდო ფრენჩაიზს, არამედ სლეშერის ჟანრის პოპულარიზაცია მოახდინა. ფილმში მთავარ როლებს ასრულებენ იმ დროს უცნობი ჯეიმი ლი კერტისი და დონალდ პლეზენსი.

2. “მონსტრო“ (2008)

ფილმი გახდა ერთ-ერთი პირველი წარმატებული პროექტი Found Footage-ის (ნაპოვნი ფირი) ჟანრში. საშინაო ვიდეოს სტილში გადაღებულმა ფილმმა გააოცა მაყურებელი თავისი რეალიზმით და დაძაბული ატმოსფეროთი.

3. “ალქაჯი ბლერიდან“ (1999)

ფილმი, რომელიც ჰიტად იქცა გენიალური მარკეტინგის წყალობით. მაყურებელს სჯეროდა, რომ უყურებდნენ დაკარგული გადამღები ჯგუფის მიერ გაკეთებულ ნამდვილ ჩანაწერებს. მსახიობები იმდენად უცნობი იყვნენ, რომ ეს მხოლოდ ეფექტს აძლიერებდა.

4. “პის ცხოვრება“ (2012)

რეჟისორი ენგ ლი გახდა ამ ფილმის ნამდვილი ვარსკვლავი, რომელმაც ოსკარი მიიღო. „პის ცხოვრება“ ვარსკვლავების ნაკლებობის მიუხედავად ნამდვილი ჰიტი გახდა ვიზუალური ეფექტების და ღრმა სიუჟეტის წყალობით.

5. “პარანორმალური მოვლენები“ (2007)

Found Footage-ის კიდევ ერთი წარმატებული მაგალითი. მცირე ბიუჯეტით გადაღებული ფილმი დიდი ფრენჩაიზის დასაწყისი გახდა და დაამტკიცა, რომ საშინელება შეიძლება იყოს მარტივი, მაგრამ ეფექტური.

6. “ამერიკული ნამცხვარი“ (1999)

საკულტო თინეიჯერული ფილმი, რომელმაც თავისი მსახიობები ვარსკვლავებად აქცია. გამოსვლის მომენტში არც ერთი მათგანი ცნობილი არ იყო, მაგრამ მათმა გულწრფელობამ და იუმორმა მაყურებელი მოხიბლა.

7. “ფორსაჟი“ (2001)

ფრენჩაიზი, რომელიც ახლა ვინ დიზელთან და სხვა ვარსკვლავებთან ასოცირდება, დაიწყო ფილმით, რომელშიც მთავარი იყო მანქანები და არა მსახიობები. პოლ უოკერისთვის ეს იყო მისი პირველი მთავარი როლი ფილმში, დიზელი კი მხოლოდ იწყებდა დიდების გზას.

8. “შეშლილი მაქსი“ (1979)

ჯორჯ მილერის სადებიუტო ფილმი, რომელიც გახდა ერთ-ერთი ყველაზე ცნობილი ფრენჩაიზის დასაწყისი. მელ გიბსონი, რომელიც მთავარ როლს ასრულებს, მაშინ ჯერ კიდევ არ იყო ვარსკვლავი. ეს მისი მეორე კინოროლი იყო.

9. “ალქაჯი“ (2015)

ფილმი გარღვევა გახდა ანია ტეილორ-ჯოისა და რეჟისორ რობერტ ეგერსისთვის. ატმოსფერულმა ჰორორმა პურიტანული ახალი ინგლისის შესახებ კრიტიკოსების და მაყურებელთა გულები დაიპყრო.

10. “სარისკო საქმე“ (1983)

ფილმი, რომელმაც ტომ კრუზი ვარსკვლავი გახადა. გადაღებების დროს ის დამწყები მსახიობი იყო, მაგრამ მისი ქარიზმა და ცეკვა „Old Time Rock and Roll“-ზე ყველას დაამახსოვრდა.

11. “ფავნის ლაბირინთი“ (2006)

გილერმო დელ ტორომ შექმნა ვიზუალურად განსაცვიფრებელი ზღაპარი, რომელიც ჰიტად იქცა ვარსკვლავი მსახიობების დახმარების გარეშე. ფილმმა აღიარება მოიპოვა როგორც ესპანეთში, ისე მის ფარგლებს გარეთ.

12. “ცოცხალი მკვდრების ღამე“ (1968)

ჯორჯ რომეროს საკულტო ჰორორი, რომელმაც ხელახლა განსაზღვრა ზომბის ჟანრი. მინიმალური ბიუჯეტით და უცნობი მსახიობებით გადაღებული ფილმი კინოს ისტორიაში ერთ-ერთ ყველაზე გავლენიან ფილმად იქცა.

ეს ფილმები ადასტურებს, რომ ფილმის წარმატება დამოკიდებულია არა ვარსკვლავურ როლზე, არამედ შემქმნელის ნიჭზე და სიუჟეტის გულწრფელობაზე. ისინი რჩებიან მაყურებელთა მეხსიერებაში, შთააგონებენ და ამტკიცებენ, რომ ნამდვილი კინო არა სახელებზე, არამედ ემოციებზეა.

ასევე დაგაინტერესებთ:

8 კომიკოსი მსახიობი, რომლებმაც ითამაშეს დრამაში და დაამტკიცეს, რომ ყველაფრის გაკეთება შეუძლიათ

9 ფილმი, რომელიც პოპულარული გახდა აბსურდული ჩანაფიქრის მიუხედავად

10+ კინოშედევრი საღამოს საყურებლად, რომლის არჩევანშიც არ შეცდებით

14 ფილმი, რომელთა შექმნისთვის ფული დაზოგეს, მაგრამ მათ ნამდვილი ფურორი მოახდინეს

ფილმები, რომლებიც გაიძულებთ ნახვის შემდეგ რამდენიმე წუთი სიჩუმეში განმარტოვდეთ