ტელევარსკვლავი რორი საიკსი კალიფორნიაში ხანძრის შედეგად დაიღუპა.

○○○

მსახიობი რორი საიკსი კალიფორნიის ხანძრებს საშინელი სიკვდილით შეეგება: დაიბადა ცერებრალური დამბლით და ცნობილი გახდა ბავშვობიდანვე, სატელევიზიო შოუში Kiddy Kapers.

○○○

დედამ ვერ შეძლო მისი გადარჩენა. მიმდებარე ტერიტორიაზე წყალი გამორთული იყო და არც გადაუდებელი დახმარება- 911 პასუხობდა. ქალი ცეცხლმოკიდებულ შენობებს შორის კვამლით სავსე გზებზე დადიოდა, რათა მაშველები ეპოვა. მაგრამ როცა ისინი იპოვა, მათი კოტეჯი ნახშირის გროვად იყო ქცეული.

○○○

რორი საიკსი 31 წლის იყო. დედამისმა, მწერალმა შელ საიკსმა მთელი ძალისხმევა დახარჯა შვილის ჯანმრთელობის გასაუმჯობესებლად, რომელიც სუსტი მხედველობით და ცერებრალური დამბლით დაიბადა. ბიჭს რამდენიმე ოპერაცია ჩაუტარდა, რის შემდეგაც მხედველობა გაუუმჯობესდა. ბავშვობაში რორი გახდა ბრიტანული შოუს Kiddy Kapers-ის ვარსკვლავი, რომელსაც თავად შელი უძღვებოდა.

როდესაც ხანძარი მათ მალიბუში მდებარე კოტეჯს მიუახლოვდა, დედა-შვილი სახლში იმყოფებოდნენ. ქალი გარეთ გავარდა, რათა ბაღის შლანგით სახურავზე წყალი გადაევლო - მაგრამ წყალი არ მოდიოდა.

○○○

შენობის სახურავს გავარვარებული ნახშირი დაეცა .სახლს ცეცხლი გაუჩნდა. საცხოვრებლიდან შვილის გამოყვანა დედამ ვერ შეძლო - რადგან ხელი მოტეხილი ჰქონდა. ბოლოს რაც რორიმ უთხრა, ეს იყო: "დედა, დამტოვე და თავს უშველე".

○○○

შელმა აკრიფა 911, მაგრამ უშედეგოდ - ხაზი უბრალოდ არ მუშაობდა. შემდეგ ქალი მანქანაში ჩაჯდა და დახმარების საძებნელად წავიდა. იგი საბოლოოდ წააწყდა მეხანძრეების ჯგუფს, მაგრამ უკვე გვიანი იყო, ადგილზე მისულებს მხოლოდ სახლის დანახშირებული ნაშთები დახვდათ.

დამწუხარებულმა დედამ განაცხადა, რომ მთელ მალიბუში მხოლოდ 50 მეხანძრე მუშაობდა და მილებში წვეთი წყალი არ იყო.