Victoria's Secret-ის ანგელოზი, სუპერმოდელი ადრიანა ლიმა თავის შეყვარებულზე, პროდიუსერ ანდრე ლემერსზე დაქორწინდა. ამის შესახებ პოდიუმის ვარსკვლავმა ინსტაგრამზე ამცნო გამომწერებს.

43 წლის ადრიანა ლიმამ გამოაქვეყნა ფოტო, რომელშიც ის და ანდრე ლემერსი ხელჩაკიდებული დგანან. სუპერმოდელი და პროდიუსერი უდაბნოს ფონზე საქორწინო ბეჭდებით გადაიღეს.

"ოფიციალურად ქალბატონი ლიმა ლემერსი, ასევე ცნობილი როგორც ლემერსები", - დააწერა მოდელმა კადრს.

2022 წლის აგვისტოში ადრიანა ლიმასა და პროდიუსერ ანდრე ლემერსს ვაჟი შეეძინათ. სუპერმოდელმა და პროდიუსერმა ბავშვს საიანი დაარქვა. Victoria's Secret-ის ანგელოზს ასევე ჰყავს ორი ქალიშვილი ყოფილ მეუღლესთან, სერბ კალათბურთელ მარკო იარიჩთან : ვალენტინა და სიენა. წყვილი დაქორწინებული იყო 2009 წლიდან 2016 წლამდე.

ადრიანა ლიმა ცნობილია, როგორც Victoria's Secret-ის ერთ-ერთი ანგელოზი : ის ბრენდთან 19 წელია თანამშრომლობს. გარდა ამისა, იგი ასევე მუშაობდა ბევრ სხვა ცნობილ მოდის სახლთან. მან ცოტა ხნის წინ მონაწილეობა მიიღო Victoria's Secret-ის პირველ შოუში ექვსი წლის განმავლობაში.