ბრედ პიტი აღარ ითხოვს შვილებზე ერთობლივ მეურვეობას და თავად სასამართლო პროცესი დასასრულს უახლოვდება. ამის შესახებ Daily Mail თავის წყაროებზე დაყრდნობით იუწყება. პროცესი 2016 წლიდან გაჭიანურდა, როცა წყვილმა დაშორების შესახებ გამოაცხადა.

მიუხედავად იმისა, რომ პიტი თავდაპირველად დაჟინებით მოითხოვდა ექვსი ბავშვის ერთობლივ მეურვეობას, რომელთაგან სამი ნაშვილებია, მისმა წარმომადგენელმა ახლა შეწყვიტა ჯოლის პრეტენზიებზე კამათი. ეს ნიშნავს, რომ ჯოლის ბავშვებზე სრულ მეურვეობას შეინარჩუნებს, ხოლო პიტს კვლავ ექნება მონახულების უფლება.

გამოცემა აღნიშნავს, რომ ეს შესაძლოა გამოწვეული იყოს იმით, რომ სამი ბავშვი უკვე 18 წელზე მეტისაა: საუბარია 22 წლის მედოქსზე, 20 წლის პაქსზე და 19 წლის ზაჰარაზე. პიტს დაძაბული ურთიერთობა აქვს მათთან - თვითმფრინავში ჩხუბი დაიწყო მედოქსის გამო, რის შემდეგაც ჯოლიმ განქორწინება მოითხოვა, პაქსმა გამოაქვეყნა პოსტი, რომელშიც მამას "მსოფლიო კლასის ნაბიჭვარი" უწოდა, ზაჰარამ კი მის გვარზე უარი თქვა.

ბიოლოგიურ ბავშვებთან სიტუაცია უკეთესია. მანამდე ცნობილი გახდა, რომ 17 წლის შაილომ გადაწყვიტა მამასთან ცხოვრება. ინსაიდერების თქმით, მიუხედავად იმისა, რომ ჯოლის არ მოსწონდა ეს იდეა, შაილო ყოველთვის იყო "მამას გოგო". ზუსტად არ არის ცნობილი, ურთიერთობენ თუ არა ტყუპები ნოქსი და ვივიენი მამასთან.

პიტთან დაახლოებულმა წყარომ თქვა, რომ მსახიობსა და ბავშვებს შორის გაუცხოება ხდება "ინსტრუქციით" და აღნიშნა, რომ ჯოლი ბავშვებს მამის წინააღმდეგ აქცევს. მან დაამატა, რომ ქალს სურდა განქორწინების გადადება ბავშვების სრულწლოვანებამდე. ჯოლისთან დაახლოებული წყაროები აცხადებენ: "ბრედ საკუთარი თავის გარდა ვერავის დაადანაშაულებს. ანჯელინას მხოლოდ ოჯახის განკურნება და ცხოვრების გაგრძელება სურს."

ბრედ პიტმა და ანჯელინა ჯოლიმ 2005 წელს გაიცნეს ერთმანეთი ფილმის "მისტერ და მისის სმიტების" გადასაღებ მოედანზე და დაიწყეს შეხვედრა, მიუხედავად იმისა, რომ მსახიობი იმ დროს ჯენიფერ ენისტონზე იყო დაქორწინებული, პიტმა და ჯოლიმ 2014 წელს იქორწინეს, მაგრამ ანჯელინამ განქორწინებაზე 2016 წელს შეიტანა განცხადება პირადი თვითმფრინავის ბორტზე სერიოზული კამათის შემდეგ. ამის შემდეგ ჯოლიმ პიტი მასზე და შვილებზე ძალადობაში დაადანაშაულა. თავად ბრედი ყველაფერს უარყოფს. განშორების შემდეგ მათ მრავალი წელი დახარჯეს ექვსი შვილის მეურვეობისა და ღვინის ქარხანა Chateau Miraval-ის მეურვეობის მოგვარებაში.

ახლა ბრედ პიტი თავის ახალ საყვარელთან, დიზაინერ ინეს დე რამონთან ერთად ცხოვრობს. ჯოლი კი არავის ხვდება.