ამ რეცეპტით გამომცხვარი ორაგული თქვენი საყვარელი სწრაფი სადილის ვარიანტი გახდება. ორაგული თაფლი-ნივრის ჭიქურით ღუმელში ცხვება. მარტივი რეცეპტი შესაფერისია ნებისმიერი შემთხვევისთვის, როგორც ყოველდღიურად, ასევე სადღესასწაულოდ.

ჭიქურის საიდუმლო: ნივრის, თაფლის, დიჟონის მდოგვის, სოიოს სოუსის და ზეითუნის ზეთის გემრიელი კომბინაცია, რომელიც ფარავს თევზს და ანიჭებს განუმეორებელ გემოს გამოცხობისას.

როგორ მოვამზადოთ?

1. ორაგული 15 წუთი ოთახის ტემპერატურაზე გააჩერეთ. ასე უფრო თანაბრად გაიჟღენთება.

2. სოიოს სოუსი, ზეითუნის ზეთი, თაფლი, დიჟონის მდოგვი და ნიორი ერთმანეთს შეურიეთ.

3. ორაგულს ნახევარი ჭიქური წაუსვით.

4. ორაგული 12 წუთი აცხვეთ. შემდეგ დარჩენილი ჭიქური წაუსვით. თევზი კიდევ 2-8 წუთი აცხვეთ ან მანამ, სანამ თქვენი გემოვნებით მზად არ იქნება. ცხობის დრო ორაგულის ფილეს სისქეზე დამოკიდებულია.

რჩევები:

საცხობ ლანგარზე პერგამენტის ქაღალდი ან ფოლგა დააფინეთ.

ორაგულს კანი არ მოაშოროთ. კანში მომზადებული ორაგული წვნიანობას ინარჩუნებს. ორაგული კანით ქვემოთ მოათავსეთ. თუ გსურთ, მომზადების შემდეგ კანს მარტივად მოაშორებთ. ამისთვის გამოიყენეთ თხელი ლითონის სპატულა ან დანა, რომ კანი გამომცხვარ რბილობს მოაშოროთ.

ორაგული ზედმეტად დიდხანს არ აცხოთ! იდეალურად მომზადებული ორაგული უნდა იყოს ნაზი, წვნიანი და ფენებიანი. ზედმეტი ცხობის შემთხვევაში, გამოშრება.

ასევე დაგაინტერესებთ:

შემწვარი ორაგული ჰარისას სოუსით: მეგობრის საფირმო რეცეპტი, რომელიც გამიზიარა

ბიუჯეტური თევზის კოტლეტები, რომლითაც ყველა აღფრთოვანებულია

როგორ მოვამზადოთ თევზის ღვეზელი

სკუმბრია ბოთლში, ლამაზი, ცხიმიანი..თევზი მაღაზიაში ნაყიდს არაფრით ჩამოუვარდება

ვერასდროს ვიფიქრებდი, რომ თაფლი, ნიორი და სოიოს სოუსი ერთმანეთს ასე მოუხდებოდა