ალბათ არავისთვის არაა უცხო, ყველაზე საპასუხისმგებლო მომენტში სამოსის, ფეხსაცმლის, მაკიაჟის ან ვარცხნილობის გაფუჭების უხერხული ფაქტები. ჩვეულებრივ მოკვდავს რა უჭირს, მეორე ოთახში გაიქცევი, ფარდას ამოეფარები ან სულაც გამოიცვლი სასწრაფოდ ტანსაცმელს, მანამ სანამ დაზიანებულ სამოსს მზრუნველი ოჯახი ან სამეგობრო გარემოცვა შეგვიკეთებდეს და რაც ყველაზე მთავარია, ჩვენი ამ "გახდილ-ჩახდილ-გარღვეულსამოსიანი" ფოტოებით ყვითელი პრესის ფურცლები არ აჭრელდება და საყოველთაო განსჯის საგანი არ გახდება მოულოდნელად კაბაზე ამწყდარი ღილი, გაჭედილი ელვა-შესაკრავი ან ფეხსაცმელზე მოტეხილი ქუსლი. თუმცა რა უნდა ქნან იმ ადამიანებმა, ვის იმიჯსაც ხალხი გაფაციცებით მისჩერებია? მათ ისღა დარჩენიათ გადასახარხარებლად მომზადებულ საზოგაოდებას მომხიბვლელად გაუღიმონ და ჟარგონულად რომ ვთქვათ ყველაფერი "დაიკიდონ", ბოლოს და ბოლოს ესეც ხომ თავისებური პიარია?