ბრიტანეთის ქალაქ პორტსმუთში კიმბერლი ალენი, რომელსაც არ უჩნდებოდა შვილი, გადაწყვიტა თავის საუკეთესო დაქალი მისი სუროგატი დედა გამხდარიყო. ამის შესახებ Jam Press-ი წერს.

კიმბერლიმ ბეკი ჯერ კიდევ სკოლაში გაიცნო. გოგონები მაშინვე განუყრელი მეგობრები გახდნენ და ეს მოგობრობა წლების განმავლობაში მოსდევთ. კიმბერლი ბავშვობიდან ოცნებობდა ბავშვებზე, მაგრამ არ უჩნდებოდა. ამასთანავე ხედავდა, რომ მეგობარმა უკვე მესამე შვილი გააჩინა, მაგრამ მაინც არ შურდა მისი. კიმბერლიმ ბეკის გაუზიარა თავისი გულის ტკივილი და ერთ დღეს მან თავისი მეგობარი და მისი ქმარი მიიწვია მათთვის შვილის გაჩენის მიზნით. "გაოგნებული დავრჩი, მაგრამ მის მიმართ სიყვარულით აღსავსე ვიყავი", - აღიარა ბეკიმ.

ცოლ-ქმარმა გადაწყვიტეს არ დაკავშირებოდნენ სპეციალიზებულ სააგენტოს და სუროგატი დედა გაენაყოფიერებინათ სახლის პირობებში. კიმბერლის ქმარმა ჯემიმ კოლბაში სპერმა ჩაღვარა და ბეკის გაუკეთა თხევადი წამლების შპრიცის გამოყენებით. მესამე მცდელობა წყვილისთვის წარმატებული აღმოჩნდა. კიმბერლის თქმით, მას უბრალოდ უხარია, რომ მისი შვილი ბიოლოგიურად ბეკისაა. ”ეს გააძლიერს ჩვენ კავშირს, ” - განმარტა მან.

2022 წელს ბეკიმ ჯეიმის და კიმბერლის გოგონა გაუჩინა. მას დაარქვეს როქსანა. კიმბერლიმ აღიარა, რომ ჯერ კიდევ ვერ იჯერებდა, რომ მათ შვილი ეყოლათ და მადლობა გადაუხადა მეგობარს ოცნების ასრულებისთვის. როგორც კიმბერლი ამბობს, როქსანა გარეგონობით საკუთარ პატარაობას აგონებს, ამიტომ არავის ეპარება ეჭვი, რომ გენეტიკურად ეს მისი ქალიშვილი არ არის.