24 წლის სოფია სტუჟუკს სურს შეცვალოს მოსაზრება, რომ მშობიარობა მტკივნეული და საშინელია.
ბლოგერი, რომელსაც Instagram- ზე 2.6 მილიონი გამომწერი ჰყავს, მესამედ გახდა დედა. ბავშვი დაიბადა სახლში, ისევე როგორც სოფიის სხვა ბავშვები. მაგრამ ამჯერად გოგონამ მისი გვერდის გამომწერებს გადაწყვიტა აჩვენოს ბავშვის დაბადების "საიდუმლო" და ეს პროცესი ვიდეოზე გადაიღო.
კიეველმა ქალმა ბავშვი წყალში გააჩინა, კადრებში ჩანს, რომ ის გასაბერ აბაზანაში ზის. იქვეა მისი მეუღლე დიმიტრი, რომელიც სოფიას უკეთებდა მასაჟს და აკონტროლებდა ვითარებას. სოფიამ აღნიშნა, რომ ამ მნიშვნელოვან მომენტში ქმარი ძლიერ დაეხმარა.
"თქვენ ვერც კი წარმოიდგენთ, როგორ დამეხმარა ქმარი მშობიარობის პროცესში, დიმა, მადლობა ფასდაუდებელი მხარდაჭერისთვის "-აღნიშნა ბლოგერმა.
მალე სოფიამ გამომწერებს წარუდგინა ოჯახის ახალი წევრი - პაწია ქალიშვილი და მადლობა გადაუხადა მათ სითბოსა და მხარდაჭერისთვის.
მან ასევე აჩვენა, თუ რამდენს იწონის მშობიარობის შემდეგ - 62 კგ. ბლოგერი, რომელიც პროპაგანდას უწევს „შეგნებულ დედობას“ და ცხოვრების ჯანსაღ წესს, თაყვანისმცმელებს დაჰპირდა, რომ მალე მოიწესრიგებს ფიგურას.
