მთავარია ჯაბა იოსელიანს ხომ აუგეთ წესი სიონში და დიდუბის პანთეონში დამარხეთ უწმინდეს-უნეტარესად წოდებული სოდომიტის ხელით და რაღას დავეძებთ, ვის დაჰკარგვია საბრალო კესარია ხომ?! აი, მაგ სამართლით გაგასამართლებთ ღმერთი და გამოფხიზლებული ქართველი ერიც თავის დროზე თქვე თეთრად შეფეთქილო აყროლებულო სამარხებო."- წერს დეკანოზი ილია ჭიღლაძე.

შეგახსენებთ, რომ სასტიკად მოკლული ტრანსგენდერი ქალი, კესარია აბრამიძე გუშინ, ვაკის სასაფლაოზე დაკრძალეს. მის სამოქალაქო პანაშვიდზე არა ერთი ცნობილი სახე იმყოფებოდა, მათ შორის იყვნენ როგორც შოუ- ბიზნესის, ასევე მედია საშუალებების წარმომადგენლებიც, სამოქალაქო პანაშვიდს დაესწრო საქართველოს პრეზიდენტი, სალომე ზურაბიშვილიც. როგორ ცნობილი გახდა, კესარია აბრამიძეს ეკლესიურად წესი არ აუგეს, რასაც საზოგადოების მხრიდან ნეგატიური რეაქცია მოჰყვა.

ცნობისთვის, რამდენიმე დღის წინ, დიდ დიღომში, ავთანდილის ქუჩაზე მდებარე საცხოვრებელ სახლში ტრანსგენდერი ქალი, კესარია აბრამიძე მოკლეს. არსებული ინფორმაციით, მას ცივი იარაღით 28 სასიკვდილო ჭრილობა ჰქონდა მიყენებული. მკვლელობის ფაქტზე სამართალდამცველებმა 37 წლის ტრანსგენდერი ქალის მეგობარი მამაკაცი 26 წლის ბექა ჯაიანი დააკავეს, რომელთანაც მას რამდენიმეწლიანი ტოქსიკური ურთიერთობა აკავშირებდა. გენდერის ნიშნით განსაკუთრებული სისასტიკით დამამძიმებელ გარემოებაში, განზრახ მკვლელობაში ბრალდებულს 16-დან 20 წლამდე ან უვადო პატიმრობა ემუქრება.